Ona, menga doim keraksiz
Munavvara USMONOVA
Ona, menga doim keraksiz...
Ozorim bor har bir qadamda,
Aro yo‘lda joni halakman.
Ne bo‘lsam ham yorug‘ olamda,
Ona, bitta sizga kerakman.
O‘tlar kelsa tutib bag‘ringiz,
Suvlarga sir aytib o‘tdingiz.
Alamlar qon qilgan kunda ham,
Bizdan yorug‘ kunlar kutdingiz.
Hasratimdan boshingizga qor,
Yog‘dirgan men bo‘lsam, ehtimol.
Ey, ko‘zimda asralgan gavhar
Endi menga tegmaydi shamol.
Ona, menga doim keraksiz....