ЙЎҚМИ?


Ярим яланғоч юрган қиз-жувоннинг, 
Уйида номусли эркаги йўқми? 
Лабини шишириб, қош терган оннинг 
Ўрнига ёқимли эрмаги йўқми?

Масалан, чанг артиш, пишириш таом, 
Ақлга озуқа - китоб ўқиш ё? 
Пазанда, созанда, ҳулласи калом, 
Ўзими, ўзгага ул-бул тўқиш ё?

Қалбини тўлдириб хаяжон, чўғга, 
Саждага бош қўйиб бажармоқ фарзин. 
Садоқат кўрсатиб ёши улуғга, 
Узмоқлик ота-ю, онадан қарзин...

Йиқилган бандани турғазиб ердан, 
Раҳмат ололмайсан, деймиз, минг унна! 
Ўзлигин йўқотган, ҳуснин бой берган, 
Зурёдига бўлар қандай намуна?

 

Умида Абдуазимова