186-мактабда Наврўз шукуҳи

Тошкент шаҳар, Шайхонтоҳур туманидаги 186-сонли умумтаълим мактабида устоз ва ўқувчилар иштирокида "Ҳар кунинг Наврўз бўлсин, жонажон Ўзбекистон" шиори остида ўтказилган Наврўз сайли Тошкент телеканалининг "Пойтахт" информацион дастурида намойиш қилинди.
Байрамда 9, 10, 11 синф ўқувчилари орасида "Миллий либослар, миллий таом, урф-одат намойиши", "Варрак учириш" мусобақаси, "Миллий ўйинлар", "Миллий таомлар" кўргазмаси, "Ош дамлаш" мусобақаси бўлиб ўтди.
Тадбирда мактаб директори - Шуҳрат Шарифов, мактаб директорининг маънавий-маърифий ишлар бўйича ўринбосари - Ҳидоятхон Нурмуҳамедова, мактаб директорининг ўқув ишлари бўйича ўринбосари - Гулчеҳра Музаффарова, мактабнинг ижодий-маданий масалалар бўйича тарғиботчиси - Музаффар Муҳаммадназар, ТШХТБ вакиллари, Шайхонтоҳур туман ҳокимияти вакиллари, Кўкча-дарвоза МФЙ раиси, маслаҳатчиси, инспектор, психологлар ва 250 нафар фуқаро ҳамда ота-оналар иштирок этишди.
Байрамимизнинг азиз меҳмонлари сифатида олий тоифали сухандон, актриса ва телебошловчи, Ўзбекистон Киноарбоблар уюшмаси аъзоси - Мавлудахон Аҳмедова ва Тошкент шаҳар, Бектемир туманидаги Маданият марказининг тўгараклар бўйича мутахассиси, актриса ва хонанда - Зилола Каримова ҳам қатнашиб, ўзларининг дил сўзлари, табрикларини изҳор қилишиб, қўшиқ ҳамда рақслари билан даврага файз киритишди.

Toshkent shahar, Shayxontohur tumanidagi 186-sonli umumta’lim maktabida ustoz va o‘quvchilar ishtirokida "Har kuning Navro‘z bo‘lsin, jonajon O‘zbekiston" shiori ostida o‘tkazilgan Navro‘z sayli Toshkent telekanalining "Poytaxt" informasion dasturida namoyish qilindi.
Bayramda 9, 10, 11 sinf o‘quvchilari orasida "Milliy liboslar, milliy taom, urf-odat namoyishi", "Varrak uchirish" musobaqasi, "Milliy o‘yinlar", "Milliy taomlar" ko‘rgazmasi, "Osh damlash" musobaqasi bo‘lib o‘tdi.
Tadbirda maktab direktori - Shuhrat Sharifov, maktab direktorining ma’naviy-ma’rifiy ishlar bo‘yicha o‘rinbosari - Hidoyatxon Nurmuhamedova, maktab direktorining o‘quv ishlari bo‘yicha o‘rinbosari - Gulchehra Muzaffarova, maktabning ijodiy-madaniy masalalar bo‘yicha targ‘ibotchisi - Muzaffar Muhammadnazar, TSHXTB vakillari, Shayxontohur tuman hokimiyati vakillari, Ko‘kcha-darvoza MFY raisi, maslahatchisi, inspektor, psixologlar va 250 nafar fuqaro hamda ota-onalar ishtirok etishdi.
Bayramimizning aziz mehmonlari sifatida oliy toifali suxandon, aktrisa va teleboshlovchi, O‘zbekiston Kinoarboblar uyushmasi a’zosi - Mavludaxon Ahmedova va Toshkent shahar, Bektemir tumanidagi Madaniyat markazining to‘garaklar bo‘yicha mutaxassisi, aktrisa va xonanda - Zilola Karimova ham qatnashib, o‘zlarining dil so‘zlari, tabriklarini izhor qilishib, qo‘shiq hamda raqslari bilan davraga fayz kiritishdi.