Улкан кўза
(ҳазил)
Актрисалар - Фотима Режаметова ва Мавжудахон Муртазоева кулолчилик санъати музейига киришиб, баландлиги нақ икки метр келадиган кўзани кўриб қолишибди.
Мавжудахон ҳайратланиб:
- Ёпирай! Бу кўзани қандай ясашди экан? Баҳайбат ё новча кулол ясаганмикан ё нарвон қўйиб тайёрлашдимикан?, - деса, Фотимахон пинагини бузмай:
- Э, Мавжудахон, шуни ҳам билмайсизми? Бу кўзани аввал ётқизиб ясашган, кейин турғазиб қўйишган, - ДЕЯРМИШ!
Ўзбекистонда хизмат кўрсатган артист, "Дўстлик" ордени соҳибаси, кино ва театр актрисаси - Фотима Режаметова. Машҳур Режаметовлар сулоласининг вакиласи, таниқли актёр - Зуҳриддин Режаметовнинг умр йўлдоши, соҳибжамол актриса - Мавжудахон Муртазоева.