Мен ёлғиз эмасман


 

Мен ёлғиз эмасман энди азизим,
Доимо ҳамнафас ёдинг, ҳаёлинг.
Икки қуёш каби порлайди кўзим,
Унда акс этганда сенинг жамолинг!

Мен ёлғиз эмасман, Оллоҳга шукур,
Дилимда,тилимда исминг нақорот.
Кўнглим улғаяди осмонга довур,
Борлигингни ўзи олий мукофот!

Мен ёлғиз эмасман, сен борсан ахир,
Майли қайси шахар, қайси уйдасан.
Сабрлар сўнгида сийлади тақдир,
Ёзган шеъримдасан, қўшиқ, куйдасан!

Мен ёлғиз эмасман, Худо менга ёр.

Жилла бўлмаганда соғинчларинг бор!

 

Малика Салимова