Уруш изтироблари
Қўчқор НОРҚОБИЛУруш изтироблари
Қўрқоқлик
Украинада уруш...
Шу пайтгача ҳайбаракаллачи бўлганлар, четда туриб вайсақилик қилишдан берига ўтмаяптилар.
Қўрқоқлик босқинчиликдан кўра даҳшатлироқдир.
Дўзах
Уруш - ер устида дўзахнинг пайдо бўлиши. Бироқ унда бегуноҳ одамлар ҳам ёнади.
Ўлимни ёқлаш
Бу тараф бостириб кирди.
У тараф ўзини ҳимоя қилди.
Иккала томондан ҳам қон тўкилди.
Урушдан адолат излаш ўлимни ёқлаш билан баробар.
Гўдак йиғиси
Шаҳарда снаряд портлади.
Болакай қўрқиб кетди, чинқириб йиғлаяпти.
Сезмаяпсизми, ҳамма болаларнинг йиғиси бир хилда, бир-биридан фарқ қилмаскан...
Болалар йиғиси бомбалар гумбурлашидан ҳам қўрқинчлироқдир. Агар ўша норасиданинг ўрнида ўз болангиз ё набирангизни тасаввур қилиб кўрсангиз, чидаб туролмасдингиз...
Шунинг учун ҳам ер юзидаги барча қўшинлар, аскару зобитлар қўлидаги қуролни ташласа арзийди. Йўқ, бу қўрқоқлик эмас, қаҳрамонлик тимсолидаги шон-шарафга лойиқ иш бўларди.
Илтижо
Сиёсатдонлар ҳамда мазлум овози ўқлар ва бомбалар садоси остида қолиб кетмоқда. Бироқ қиёмат қаърида ҳам энг ожиз илтижони-да эшитгувчи Ўзингсан!
Бегуноҳ гўдаклар ҳаққи урушни тўхтат, Оллоҳим!
26.02.2022 йил.
-
Бўлимлар
Маълумот
Янгиликлар new
Изоҳлар
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
ЎЗБЕК ТИЛИМ - КЎЗДЕК ТИЛИМ
Mutloq haqiqatni ifodalovchi misralar. Kam bòlmang Muslimbek aka. Kareyslar 600-800 doll. tòlab biznikilardan òtayotgan fanlari haqida qòllanmalar
Маълумот