МИНҲОЖИДДИННИНГ ВАТАНИ
Ватан нима эрур Минҳожиддинга?!
Ватан унинг бори- тани жондадир,
Бобур Мирзо юрти Андижондадир.
Унинг эҳтироми Фарғонададир,
Шоҳ Машраб маскани Намагандадир.
Ватан унинг бори- бошига тождир,
Жиззаху Сирдарё ҳам азим Чочдир.
Кўзларининг оқу қораси Ватан,
Тунлар оромини сўраган бождир.
Ватан нима эрур Минҳожиддинга?!
Ватан унинг қалби - Қорақалпоқдир,
Эллик қалъаларда ёнган чироғдир.
Қўлда таёғини қиличдек сирмаб,
Ёвни қира олган сирли Широқдир
Ватан – Хоразмдир, Ота дарвоза,
Хон Феруз буғзида қолган баётдир.
Полвон ариқларга ётиб йўлбарсдек
Беруний сув ичган қишлоқ- Қиётдир.
Ватан нима эрур Минҳожиддинга?!
Ватан – Бухородир пирлар маҳзани,
Осмонга нур бериб турган афсона.
Елкада кўтариб Ибн Синони
Олмалар оберган қишлоқ Афшона.
Ватан – Сурхондарё Термизий тунлар,
Номоз ўқиганда зиёлар эмган.
Ватан – Қашқадарё Насафий билан,
Асрий ҳужраларга хазина кўмган.
Ватан – Самарқанддир фирдавсмонанд,
Навоийдир- сўнмас зиёдир - Ватан.
Ватан Амир Темур бошидаги тож
Ғавсул Аъзам суянган асодир Ватан.
Ватан нима эрур Минҳожиддинга?!
Ватан – Тошкентдаги дорулфунунлар,
Муҳташам саройлар, муаззам боғлар.
Ватан юрт байроғи осмонни ўпган,
Бомдодлар, азонлар таралган чоғлар.
Ватан нима Минҳожиддинга?!
Севгисида Ватан, сўроғида Ватан.
Гоҳо сўз тополмай қошда жимжит,
Термулиб ёш тўккан чоғида Ватан.
Ватан жони эрур Минҳожиддиннинг
Зулфия МЎМИНОВА.
Минҳожиддин Мирзонинг Зулпия опаси.
-
Бўлимлар
Маълумот
Янгиликлар new
Изоҳлар
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
ЎЗБЕК ТИЛИМ - КЎЗДЕК ТИЛИМ
Mutloq haqiqatni ifodalovchi misralar. Kam bòlmang Muslimbek aka. Kareyslar 600-800 doll. tòlab biznikilardan òtayotgan fanlari haqida qòllanmalar
Маълумот