Бобур Ватанга интилур...
Зулфия МЎМИНОВА
БОБУР ВАТАНГА ИНТИЛУР
Бобур ватанга интилур
Ватан жондан яралганму,
Жон ила танга интилур.
Дунё Бобурга интилур,
Бобур ватанга интилур.
Карвонлари кўп дунё,
Қароқчилар тўп дунё.
Китоб ортган карвоннинг
Қўнғироғин ўп дунё.
Дема “Бобур зору, муҳтож,
Лаъли — Яманга интилур.
Дунё Бобурга интилур
Бобур ватанга интилур.
Булбулга не жафо ортиқ,
Чамансизлик, чамансизлик.
Одамга ўлимдан ортиқ,
Ватансизлик, ватансизлик.
Илдизи она тупроқда,
То тирик анга интилур,
Дунё Бобурга интилур,
Бобур ватанга интилур.
Бошга олтин тож ортиқча,
Кўзда ёшлар чашма-чашма.
Қайердасан Амударё,
Бобур ташна, Бобур ташна.
Юз оҳ ила оҳ фарёди,
Тунлар тобонга интилур.
Дунё Бобурга интилур,
Бобур ватанга интилур.
Узуминингдан бир дона еб,
Қовунингни битта ҳидлаб,
Бобур ўтди туз оҳ дея,
Бобур ўтди йиғлаб-йиғлаб.
Бир жонига неча қасдлар,
Оғулар анга интилур.
Дунё Бобурга интилур,
Бобур ватанга интилур.
Тахт ортида ажал пойлар,
Тожни бошга танғир ажал.
Ҳар лаҳзада жонини кўзлаб,
Санғир ажал, санғир ажал.
Дунё Бобурга интилиб,
Жонин олмиш, жонин олмиш.
Андижонда бешик қучиб,
Ватан қолмиш, ватан қолмиш.
Саройлар саодат йўқ,
Ки ғофил анга интилур.
Дунё Бобурга интилур,
Бобур ватанга интилур.
Ўзга юртнинг олтин тоғи,
Ватан бўлмас, ватан бўлмас.
Шоҳ шоири бўлманг ҳамки,
Сенинг бўлмас, сен тан бўлмас.
Ватан-иймон, ватан-виждон,
Номусу-шаънга интилур.
Бу дунёдан ўтса ҳамки,
Бобур ватанга интилур.
Дунё Бобурга интилур,
Бобур ватанга интилур.
-
Бўлимлар
Маълумот
Янгиликлар new
Изоҳлар
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
ЎЗБЕК ТИЛИМ - КЎЗДЕК ТИЛИМ
Mutloq haqiqatni ifodalovchi misralar. Kam bòlmang Muslimbek aka. Kareyslar 600-800 doll. tòlab biznikilardan òtayotgan fanlari haqida qòllanmalar
Маълумот