Замира Ҳидоятова таваллуд топган кун (1909-1998)
Таниқли ўзбек актрисаси Замира Ҳидоятова (1909-1998) - 1909 йилда Тошкентда туғилган. У 1924-1927 йилларда Москвадаги ўзбек драма студиясида ўқиган. 1927 йилдан «Ишчи-сайёр» труппаси, 1932 йилдан бошлаб ўтган асрнинг 80-йилларигача Ҳамза номидаги Ўзбек Давлат академик драма театри (ҳозирги Ўзбек миллий академик драма театри) нинг актрисаси сифатида ишлаган.
Ижодий фаолиятини 30-йилларда бошлаган Замира Ҳидоятова ярим асрдан зиёд даврда юздан ортиқ ҳаётий, табиий ва бетакрор образлар яратиб, ўзбек театр санъати ривожига муносиб ҳисса қўшди. У яратган Ўлмасой (З. Фатхуллин, «Ниқоб йиртилди»), Милдфордхоним (Ф. Шиллер, «Макр ва муҳаббат»), Меланя (М. Горький, «Егор Буличев ва бошқалар»), Кабаниха (А. Островский. «Момақалдироқ»), Гулсум (Ойбек, «Қутлуғ қон»), Ҳамробиби (А. Қаҳҳор, «Шоҳи сўзана») каби ранг-баранг ва турли табиатга эга бўлган образлар актрисанинг кўп йиллик муттасил ижодий меҳнати ва изанишларининг маҳсулидир.
Ўзбек театр санъатида она образини моҳирона яратишда Замира Ҳидоятовага тенг келадиган актриса кам, албатта. У яратган оналар образи содда ва камтар, меҳрибон ва ғамхўр, самимий ва ёқимтой фазилатлари билан томошабинларни ўзига ром этади. Саҳнада биз она ролини ижро этаётган Замира Ҳидоятовани эмас, балки ўзбек онасининг типик самимий сиймосини қалбан ҳис этамиз. Актриса Ҳамза Ҳакимзода Ниёзийнинг «Бой ила хизматчи» асарида фармонбардор, қаҳри қаттиқ Ҳожи она тимсолини яратди. Хосият (К. Яшин ва А. Умарий, «Ҳамза»), Рисолат (И. Султон, «Имон») образлари эса турли дунёқарашга, турли характерга ва қиёфага эга бўлган оналарнинг типик вакилларидир. Лекин Замира Ҳидоятова уларда бир умумийликни-оналарнинг ўз фарзандларига бўлган беғубор ва буюк ғамхўрлигини, самимий меҳрини, бағрикенглигини ишонарли тарзда кўрсата олган. Актрисанинг катта маҳорати ҳам, ўзига хос индивидуал ва бетакрор истеъдоди ҳам, аввало, шулар билан белгиланади, қадрланади.
Талантли санъаткор Замира Ҳидоятованинг ярим асрдан зиёд муддатдаги мазмунли ва ибратли ижодий фаолияти муносиб тақдирланди. 1944 йилда унга «Ўзбекистон халқ артисти» фахрий унвони берилди. Кейинчалик актриса Ўзбекистон Давлат мукофотига сазовор бўлди.
Замира Ҳидоятова 1998 йилда Тошкентда вафот этган.
Манба: Ў. Шокиров "Ўзбек санъаткорлари".- Т., 2010 й.
Изоҳлар 2
-
Бўлимлар
Маълумот
Янгиликлар new
Изоҳлар
ЭЗОТЕРИК ПСИХОЛОГИЯ НИМА?
Assalamu aleykum va rahmatullohi va barokatuhu, shunaqa bolishini hohlirdm ,balki hayotimdigi bolib utgan hofisala tufayli ,kop narsa haqda uylidgan
ОНА ТИЛИМ ЎЛМАЙДИ
She'r juda ajoyib
В IT только девушки
Молодцы 👍 👍 Что бы таких профессионалы были много Они наши девочки, желаю удачи им и больше проектов.
Телевизион образлар эволюцияси
Xozir tvni siyosatlashishidan uzoqqa ketdikmi, “chizilgan chiziqdan” tv hodimlarni ahvoli hamağa ma’lum, bu ichki tsenzura deyiladi, Mustaqil filths
Карима Зарипова
Республиканский эстрадно-цирковой колледж имени КАРИМА ЗАРИПОВА, приглашает всех желающих на учебу… Документы принимаются с 25 мая.
Маълумот