Теша Мўминовга табрик!

Ўзбекистон халқ артисти, "Фидокорона хизматлари учун" ордени соҳиби, Ўзбек Миллий Академик драма театри ва кино актёри, устоз санъаткор – Теша Мўминовни таваллуд топган куни билан чин дилдан табриклаймиз!
Теша Мўминовга узоқ умр, мустаҳкам соғлик, энг эзгу истакларни тилаймиз!

Маълумот: Теша Xусаинович Мўминов 1949 йил, 25 ноябрь куни Бухоро вилоятида туғилган.
Тошкент Театр ва рассомлик санъати институтини тугатган (1970).
1968 йилдан ҳозирги Ўзбек Миллий Академик драма театри актёри.
Ҳамза номидаги Ўзбекистон Давлат мукофоти лауреати (1989).
Ўзбекистон халқ артисти (1992).
1993 – 1996 йиллар Маданият ишлари вазирининг ўринбосари лавозимида ишлаган.
«Ажал минораси» (А. Дюма)даги Орсиний Мўминовнинг саҳнада яратган илк йирик образидир.
Театр саҳнасида Девона (М. Карим, «Ой тутилган тунда»), Ғофир (Ҳамза, «Бой ила xизматчи»), Йўлчи (Ойбек, «Қутлуғ қон»), Кориолон (У. Шекспир, «Кориолон»), Қор одам (Т. Юнусов, «Қор одам»), Шайтон (С. Имомов, «Шайтон ва фаришта »), Шоҳ Маъмун (X. Расул, «Пири Коинот»), Шпигелберг, Гримм (Ф. Шиллер, «Қароқчилар»), Пири зиндоний (М. Шайxзода, «М. Улуғбек»), Турдивой (Уйғун, И. Султон, «А. Навоий»), Соҳибқирон (А. Орипов, «Соҳибқирон Амир Темур»), Жўра Азим («Бир қадам йўл») каби роллари билан танилган.
Кинода ҳам кўплаб ролларни ижро этган.: (Комил, «Келинлар қўзғолони»да; Нурмуҳаммад, Қушбеги «Ўтган кунлар»да; раис, «Ёлғиз ёдгорим»да ва бошқалар), видео ва телевизион фильмларда (Йўлчи, «Қутлуғ қон»да; Салтабадил, «Қиролнинг дил ҳуши»да; Шерзод Самандаров, «Нур борки, соя бор»да ва ҳоказо).