ЯШАЙ БИЛАСАНМИ?
ЯШАЙ БИЛАСАНМИ,
Сен ўзинг учун,
Қарғишсиз, қўрқувсиз бир бор бегумон?
Бир нафас тақдирни қарғамасдан ё,
Алдамай, аврамай бор-буди билан
Ҳаётимдан сўнгги нафасимгача
Неча бор тошсанг ҳам бир тўкилмасдан,
Қоним тугул ҳатто бир тола сочим,
Бир томчи кўз ёшим ерга тўкмасдан,
Сева оласанми тирилгунимча?
Кўп эмас озгина, оз эмас кўпроқ.
Айтилмаган сўзлар, яшалмаган ҳис,
Ҳали олинмаган нафас билан, оҳ!
Худо кўрмас, дема қутулолмаймиз,
Ташлаб қўйган билан кўз юмиб буткул.
Очиб ташламасдан юзингни биров,
Юзингни оч, қўрқувни енг ва қутул!
Босинқирамайсан тушларингда ҳам
Сенга топширишим учун ўзим жим.
Ўзинг учун яшай биласанми, йўқ,
Мен билишим керак, бу жуда муҳим!
* * *
Юрагимни отиб ташладим,
Оч нафсимга ит чиқди эга.
Келдим. Билдим. Кетдим индамай,
Фаришталар керакмас ерга.
Ўзимни ўлдирдим сенимас,
Бу дунёдан йўқолдим, қара?
Дўзах. Жаннат. Қиёматни ҳам
Хаёлингга келтирмай зарра.
Тўсиқларга қарамай дадил,
Таъқибларни бузиб бирма-бир.
Бойлик. Шуҳрат. Мансаб барини
Эгаллашинг шартдир барибир.
Мен шайтонни кўрдим ана у,
Бор, боравер, ҳаётда фақат,
Ҳаммасига эришмоқ учун
Сенга шайтон керак, Одамзот!
* * *
Ҳа, сен ҳали узоқ яшайсан,
Парвоингга келмай ҳеч нима.
Эгаллайсан Дўстларинг билан
Ва жимгина ўсасан яна.
Омадлисан ҳаммадан кўпроқ,
Ҳеч нимага бермайсан жавоб.
Билмайсан, мен нега тутайман,
Ҳар қадамда ўзимни тергаб.
Биз -- ғариблар жуда ҳам кўпмиз,
Бу дунёда ҳеч вақоси йўқ.
Бир тавбадан бошқа даргоҳнинг
Эшиклари биз учун ёпиқ.
Ибодатга кетар кучимиз,
Нега?.. Ахир, билмай, ниҳоят,
Сен сиғинган худолар сийлар,
Бизники-чи?..
Синайди фақат!
* * *
Тушунарли ҳаммага лекин,
Қайтараман яна эй, Одам!
Тўғри, севиш янгилик эмас,
Оддий ҳолдир ташлаб кетиш ҳам.
Янги эмас ишонч, хиёнат,
Кулгу, алам, дунё талашиш.
Янги бўлмаса ҳам айтаман:
Қандай даҳшат тўнғиздек яшаш!
Адиба УМИРОВА
-
Бўлимлар
Маълумот
Янгиликлар new
Изоҳлар
ЭЗОТЕРИК ПСИХОЛОГИЯ НИМА?
Assalamu aleykum va rahmatullohi va barokatuhu, shunaqa bolishini hohlirdm ,balki hayotimdigi bolib utgan hofisala tufayli ,kop narsa haqda uylidgan
ОНА ТИЛИМ ЎЛМАЙДИ
She'r juda ajoyib
В IT только девушки
Молодцы 👍 👍 Что бы таких профессионалы были много Они наши девочки, желаю удачи им и больше проектов.
Телевизион образлар эволюцияси
Xozir tvni siyosatlashishidan uzoqqa ketdikmi, “chizilgan chiziqdan” tv hodimlarni ahvoli hamağa ma’lum, bu ichki tsenzura deyiladi, Mustaqil filths
Карима Зарипова
Республиканский эстрадно-цирковой колледж имени КАРИМА ЗАРИПОВА, приглашает всех желающих на учебу… Документы принимаются с 25 мая.
Маълумот