САЙЁРА ОПАМ

САЙЁРА ОПАМ

Сайёра Қозиевага

Куй-қўшиқ, навога тўлар гул иси,

Қизғалдоқ қизарса, ўзгарар туси,

Соғинса, боласин келар кўргиси,

Онамдай азизим, Сайёра опам.

Бир олам қўшиғи қанот кўнглимга,

Ёшлиги опаммас, ўхшар синглимга,

Мен Сизни айтинг-чи, ишонай кимга?

Онамдай азизим, Сайёра опам.

Юзлари ой дерсиз, қалби қуёшдай,

Олтмишга кирса ҳам ўн саккиз ёшдай,

Қўшиқ деб ёнади қалби оташдай,

Онамдай азизим, Сайёра опам.

Амирхон, Сиз билан бизга йўл бўлсин,

Қувончдан мухлислар кўзлари кулсин,

Дониёр Мирзони бир кўргани келсин,

Онамдай азизим, Сайёра опам.

Келса, гулдай қўшиқ ёзиб берардим,

Қўй гўштга ош дамлаб, сузиб берардим,

Боғимдан хурмолар узиб берардим,

Онамдай азизим, Сайёра опам.

3 декабрь 2021 йил

БАХТИМСАН, ВАТАН

Авлиёлар, ақраболар азиз маскани,

Жаннатлардан таралгайдир бўйларинг сани,

Бежиз эмас, келажагинг буюк бўлгани,

Суянчимсан, таянчимсан, фахримсан, Ватан,

Ифтихору, ишончимсан, бахтимсан, Ватан!

Тангрим ўзи яратгувчи, ўзи мададкор,

Юракларга қаср қурган, ўзи бунёдкор,

Истиқлолу, фароғати мангу, барқарор,

Суянчимсан, таянчимсан, фахримсан, Ватан,

Қадру қиммат, ифтихорим, бахтимсан, Ватан!

Эзгуликка, келажакка йўллагувчи сен,

Отамдайин қанот бўлиб, қўллагувчи сен,

Кундан-кунга чирой очиб, гуллагувчи сен,

Таянчимсан, ифтихорим, фахримсан, Ватан,

Қўлламасанг, айтгил, ўзи мен кимман, Ватан?

Жаҳон аро, жаранг сочган ўзбек деган ном,

Қалдирғочлар қўшиғида ўзбекча калом,

Бу кунларни интиқ кутган нуроний бобом,

Суянчимсан, таянчимсан, фахримсан, Ватан,

Ифтихору, ишончимсан, бахтимсан, Ватан!

Нур ўрнига, зар сочади қуёши, ойи,

Тирик жонга насибадир, нону, буғдойи,

Саховатдан, сахий эрур эркнинг чиройи,

Суянчимсан, таянчимсан, фахримсан, Ватан,

Ифтихору, ишончимсан, бахтимсан, Ватан!

АРАЗИНГИЗ

Гоҳо сизнинг кўнглингизни ололмасам,

Аразингиз очилмайди, аразингиз.

Бедор тунда ёнингизда қололмасам,

Аразингиз очилмайди, аразингиз.

Сунбул мисол сочингизни силасам-да,

Минг бор кулиб, кўз ёшингиз эласам-да,

Бир дунёча бахтингизни тиласам-да,