ҚОР ЧИЗГАН СУВРАТЛАР
Қўчқор НОРҚОБИЛҚОР ЧИЗГАН СУВРАТЛАР
Қорга ёздим Исиндим –
Ўт ўрлади Исмингдан
Олис чоғлар музлаган
Баҳор ёнди кўксимда...
Чарсиллар қор учқуни,
Шамол ўйнаб учирар...
Зарра-зарра қорларга
Фалак Исминг кўчирар...
* * *
Қор. Кўча. Аллаким
кетаяпти қўлида гул...
У қайгадир шошар балким –
О, шодлиги аён буткул!..
... Йўл муз эди – йиқилди у.
Гул сочилди қорда шу дам –
Ва, кимдандир бахтли эди,
Қор устида ётган одам...
ҚАРҒА
Деразалар беркиниб олди –
Музойналар тортдилар парда.
Ташқарига таҳлика солди,
Қағиллашиб бир гала қарға.
Қўрқув нима?
Қилмаганман ҳис.
Эплаганман гуллашни қорда.
Шу ёшимда кўксимга илкис –
Оғриқ солди бир гала қарға.
Ичкарида ёлғизлик – қисмат.
Кир, киравер қилмайман зарда.
Аёз, сен ҳам бир гала ҳасрат –
Қўшиғидан бўлдингми зада?!
Ёлғиз юрак... Шунчалар оғрир,
Бироқ баҳор кўринар қорда.
Аёз, чида! Биламан, оғир –
Куйлаяпти бир гала қарға...
* * *
Кўксимдаги ғашлик топди ниҳоя -
Бугун ажойиб кун! Қор ёғар бетин.
Шундоқ оқ сукутда яхши ҳикоя
Ёзсам душманим ҳам мақташи мумкин.
Бугун ажойиб кун!
Дунё беғубор
Албатта келасан - кўришим мумкин!
Шундай ажойибки, истасам агар
Ҳавода муаллақ туришим мумкин!
* * *
Қор ёғмоқда... Сокин. Осуда.
Ҳар заррасин қалбга кўчирдим.
Шу муқаддас осмон остида,
Ғанимларим сизни кечирдим.
Бу дунёда яшаш осонми -
Нени топсак йўқотмоқлик нақд!
Бошимизда элаб осмонни
Устимиздан кулаяпти вақт...
-
Бўлимлар
Маълумот
Янгиликлар new
Изоҳлар
ЭЗОТЕРИК ПСИХОЛОГИЯ НИМА?
Assalamu aleykum va rahmatullohi va barokatuhu, shunaqa bolishini hohlirdm ,balki hayotimdigi bolib utgan hofisala tufayli ,kop narsa haqda uylidgan
ОНА ТИЛИМ ЎЛМАЙДИ
She'r juda ajoyib
В IT только девушки
Молодцы 👍 👍 Что бы таких профессионалы были много Они наши девочки, желаю удачи им и больше проектов.
Телевизион образлар эволюцияси
Xozir tvni siyosatlashishidan uzoqqa ketdikmi, “chizilgan chiziqdan” tv hodimlarni ahvoli hamağa ma’lum, bu ichki tsenzura deyiladi, Mustaqil filths
Карима Зарипова
Республиканский эстрадно-цирковой колледж имени КАРИМА ЗАРИПОВА, приглашает всех желающих на учебу… Документы принимаются с 25 мая.
Маълумот