Беҳруз Қурбоналиевга табрик


   Самарқанд вилояти мусиқали драма театрининг биринчи тоифали вокал артисти, актёр – Беҳруз Қурбоналиевни таваллуд топган куни билан табриклаймиз!
    Беҳрузга мустаҳкам соғлик, узоқ умр, ишларига улкан ривож тилаймиз!
 
   Маълумот: Беҳруз Бахтиёрович Қурбоналиев 1990 йилнинг 26-август куни Самарқанд вилоятидаги Пастдарғом туманида туғилган. 
    Маълумоти олий. 2014 йил Ўзбекистон давлат Санъат ва маданият институтини «Драматик кино-актёрлик» бўлимини тугатган.
    Беҳруз Қурбоналиев театрнинг истеъдодли ва умидли ёш актёрларидан саналади.
   Ўзига берилган ролларни маромига етказиб ижро этиб келмоқда.
   Жумладан, “Тазарру” спектаклида “Ота” роли, “Она юраги”да “Ёдгор”, “Давлат болалари” спектаклида “Бутир”, “Бремен созандалари” спектаклида “Трубадур”, “Баҳодир Ялангтўш” спектаклида “Бойбек”, В. Шекспирнинг “Қирол Лир” спектаклида “Эдгар”, “Яланғоч қирол”да “Айёр” роли, Мажнун (“Лайли ва Мажнун”), “Беҳбудий” спектаклида Ализода, “Ҳамлет” спектаклида Ҳамлет каби турли жанрдаги спектаклларда асосий ролларни ижро этиб, томошабинлар эътирофига сазовор бўлиб келмоқда.
    Беҳруз “Ўзбекистон Республикаси Конституциясининг 25 йиллиги” кўкрак нишони билан тақдирланган.
   2023 йилда Озарбайжоннинг Боку шаҳрида бўлиб ўтган “Турксой” Халқаро театр фестивалида “Лайли ва Мажнун” спектаклида Мажнун роли билан қатнашган ва фестиваль доирасида “Энг яхши спектакль” номинациясида ғолиб деб топилиб диплом, ҳамда эсдалик совғалари билан тақдирланган.
   2024 йилда Қозоғистоннинг Чимкент шаҳрида бўлиб ўтган “IX Ўрта Осиё Халқлари театр фестивали”да “Лайли ва Мажнун” спектаклида Мажнун роли билан қатнашган. 
   2024 йил Зоминда бўлиб ўтган “II Халқаро Мақом Санъати Фестивали”да Мажнун образида иштирок этган. ўша йиллари Тошкентдаги Форумлар саройида бўлиб ўтган “Ўзбекистон ва Озарбайжон Дўстлик Оқшоми”да Фарҳод образида, Самарқанд шаҳрида бўлиб ўтган “Шарқ Тароналари XIII Халқаро мусиқа анжумани”да Жаҳонгир Мирзо образида қатнашган. Туркманистоннинг Ашхобод шаҳрида бўлиб ўтган “Ўзбекистон Маданияти кунлари”да ҳам Мажнун образида қатнашган. 
   2025 йил Тожикистоннинг Душанбе шаҳрида бўлиб ўтган “Наврўз Халқаро Театр Фестивали”да “Баҳодир Ялангтўш” спектакли иштирок этган ва унда Бойбек ролини ижро этган. 

Самарқанд вилоят мусиқали драма театрининг Матбуот хизмати.










Гость, изоҳ қолдирасизми?
Имя:*
E-Mail:



Маълумот