Миршод Мардоновга табрик

Кинорежиссёр ва актёр – Миршод Мардоновни таваллуд топган куни муносабати билан чин қалбимиздан муборакбод этамиз!
Миршод Мардоновга мустаҳкам соғлик, узоқ умр, ижодий ва ижобий парвозлар тилаймиз!

Маълумот: истеъдодли актёр – Миршод Мардонов 1987 йилнинг 9 январь куни Бухоро вилоятидаги Когон шаҳрида зиёлилар оиласида туғилган.
Тошкент давлат Санъат институтидаги "Санъатшунослик ва техноген" факультетининг "Телевидение ва радио режиссёрлиги" бўлимини битирган. Устози – Абдуманнон Убайдуллаев.
У суратга илк бор тушган сериал "Туташ тақдирлар"даги роли орқали кўпчиликка таниш.
Миршод "Мен бу мен", "Одноклассники" "Қалбим ўғриси", "Қўқон шамоли", "Тахдид", "Ўзингга ишон", "Девона фаришта" фильмлари ва "Бокира" сериалларида турли ролларни ижро этган.
Миршод режиссёр сифатида олган фильмлари: "Юрагингда яшайман", "Кимнинг боласисан?", "Муҳаббат девори", Ўзбеккино буюртмасига асосан Қоракалпоқфильм киностудиясида олинган "Ўқилмаган хат" болалар фильми.
Миршод Мардонов иш фаолиятини Ўзбекистон давлат Ёш томошабинлар театрида актёрликдан бошлаган (2006 – 2008).
2012 йилдан бугунги кунга қадар Ўзбекфильмда дастлаб режиссёр ассистенти, кейин режиссёр сифатида ишлаган.
Ўзбекфильм Киноконцернида бош мутахассис ва Ўзбекистон ёш кинематографистлар ассоциацияси раиси, "Ўзбекфильм" киноконцерни" ДУК директори биринчи ўринбосари вазифаларида фаолият юритган.

2022 йилдан бери Ўзбекфильм киноконцерни директор ўринбосари вазифасида ишлаб келмоқда.