Клара Жалилова оламдан ўтди


   Ўзбекистонда хизмат кўрсатган артист, бетакрор санъаткор, актриса - Клара Жалилова 82 ёшида оламдан ўтгани муносабати билан актрисанинг оила аъзолари, қариндошлари, ҳамкасблари ва мухлисларига чуқур таъзия билдирамиз.
 
   Маълумот учун: «Дўстлик» ордени соҳибаси Клара Жалилова 1937 йилнинг 8 Июль куни таваллуд топган. Актриса  дастлаб, асосан, «Мафтунингман» фильмидаги бош қаҳрамон — Юлдузхон образи орқали элимизга танилган ва халқимиз юрагидан жой олган.
   Клара Жалилова "Келинлар қўзғолони", "Маҳаллада дув-дув гап", "Чинор остидаги дуэл", "Кулол ва хурмача", "Темир хотин", "Темир эркак", "Оловли йўллар", "Муғомбир куёвлар", "Мен, бу - мен", "Сўнгги лаҳза", "Ниқоб", "Юзсиз" каби бошқа кўплаб фильмларда ҳам турли ролларни ижро этган.