ТАЪЗИЯ


     Ўзбекистон тележурналистикаси оғир жудоликка учради.
    Ажойиб инсон, кўпқиррали ижодкор, ўзбек телевидениесида ўзига хос мактаб яратган режиссёр, кўплаб шогирдларнинг севимли устози Рихсивой Мирзараҳимов 60 ёшида оламдан ўтди.
    Рихсивой Мирзараҳимовмеҳнат фаолияти мобайнида томошабинлар эътирофига сазовор бўлган кўплаб теледастурлар, видео ва ҳужжатли фильмлар ҳамда сериалларга режиссёрлик қилган. Рихсивой Мирзараҳимовхалқимизнинг кўнглидан чуқур жой эгаллаган “Телевизион миниатюралар театри” дастурининг энг сўнгги устунларидан бири эди. Унинг режиссёрлигида тайёрланган Ўзбекистон халқ ёзувчиси Саид Аҳмаднинг “Уфқ”, “Жимжитлик” асарларининг радиопостановкаси тингловчилар томонидан катта қизиқиш билан кутиб олинган. “Дилбар”, “Тазарру”, “Оила шаъни”, “Чорраҳадаги уй”, “Жиблажибон”сериаллари ҳамда кўплаб фильм ва теленовеллалариЎзбекистон миллий телерадиокомпанияси олтин фондидан жой олган.
    Сўнгги йиллардаги фаолияти давомида “Маҳалла” телеканали режиссёри сифатида у“Телевизион миниатюра”, “Ҳа-ҳа-ҳа”ҳажвий дастурлари, “Умр сўқмоқлари”, “Оталар сўзи-ақлнинг кўзи” кўрсатувлари билан телеканал дастурларини янада бойитишга хизмат қилди.
    “Маҳалла” телеканали ижодий жамоаси Рихсивой Мирзараҳимовнинг оила аъзоларига чуқур ҳамдардлик билдиради. Ўтганларнинг охирати обод бўлсин!










Гость, изоҳ қолдирасизми?
Имя:*
E-Mail:


Маълумот