Бахтиёр Аҳмедовга табрик

Муқимий номидаги Ўзбекистон давлат мусиқали театри ва кино актёри - Бахтиёр Аҳмедовни таваллуд топган куни билан табриклаймиз!

Бахтиёрга мустаҳкам соғлик, узоқ умр, ишларига улкан ривож тилаб қоламиз!!!

Маълумот: Бахтиёр Аҳмедов 1987 йилнинг 21 май куни Бухоро вилоятидаги Қоракўл туманида таваллуд топган.

Маълумоти олий.

2014 йилда Ўзбекистон давлат Санъат ва маданият институтини мусиқали театр режиссёрлик ва актёрлик бўлимини битирган.

2017 йилдан ушбу театрда ишлаб келмоқда.

Бахтиёр Аҳмедов театрдаги фаолияти давомида репертуардан жой олган қатор спектаклларда хилма-хил образлар яратиб келмоқда.

У “Антиқа совчилар”да Бахтиёр, “Лайли ва Мажнун”да Ибн Салом, “Осмондаги Ҳулкарим”да Шуҳрат, “Совчига эр топилди”да Кенто, Князь, “Занжирбанд Қорқиз”да Қорбобо, "Қайтар дунё"да Султон Мавлонович, "Машраб"да Маҳмудхон, "Ҳалима"да бой ва яна бир қанча ролларни ижро этган.

Актёр шунингдек, телеэкранлар орқали “Оталар сўзи – ақлнинг кўзи” дастурларида; Эргаш Мўминовнинг "Устоз", "Изқувар 2", Ҳусан Абдуллаевнинг "Муҳаббат либослари", шунингдек хусусий сериалларда "Номус", "Оловли юрак", "Душман оила", “Фитна” телесериали, “Фарёд-2”; "Талваса" фильмларида ва бошқа бир қанча фильм, сериалларда турли хил характердаги ролларни моҳирона ўйгаган.

Бир латифа ёдимга тушиб кетди. Бир йигит "артист бўламан" деб Тошкентга ўқишга кетибди. Ўқишни тугатгач, театрга ишга кириб, онасига қўнғироқ қилибди:

- Онажон, мен театрнинг хор артистиман.

Онаси куйинганча: - Ҳа, болам, а, артис бўламан деб шунча йил ўқиб, энди ХОР бўлиб юрибсанми? Тез уйга қайт! ХОР бўлишингга чидай олмайман. Ўзим сенга иш топиб бераман, - деган экан!

Бу албатта, ҳазил. Бахтиёр хор артисти бўлса-да, нафақат хор жамоасида, спектаклларда ҳам ўзининг баланд авждаги овози, роллари, истеъдоди билан ажралиб туради.

Бахтиёрга энг эзгу истакларимиз армуғон!!!