Ихтиёр Атажановга табрик

Ўзбек Миллий академик драма театри актёри – Ихтиёр Атажановни таваллуд топган куни билан табриклаймиз!
Ихтиёр Атажановга мустаҳкам саломатлик, узоқ умр, ижодий ва ижобий парвозлар тилаймиз!

Маълумот: Ихтиёр Атажанов 1983 йилнинг 16 Декабрь куни Қорақалпоғистонда туғилган.
2003 – 2006 йиллар давомида Тўртқўл туман телевидениясида фаолият юритган. 2006 йил Маннон Уйғур номидаги Санъат олийгоҳининг "Драма ва кино актёрлиги” бўлимига ўқишга кирган. Ўқиш жараёнида В. Шекспирнинг "Ҳамлет”да Ҳамлет, А. П. Чеховнинг "Жон аччиғи”да Светловидов, Водевиллари "Тўй”да Апломбов, "Айиқ”да Лука ва бошқа кўплаб ролларни ижро этган.
2009 йили Ўзбек Миллий Академик драма театрига якка тартибда чақирилувчи актёр сифатида фаолият олиб бориб, 2013 йилдан актёрлик лавозимига ишга қабул қилинган.
Ихтияр Атажанов Миллий театр саҳнасида Н. Аббосхоннинг "Ўзбекча рақс”ида Муаллиф, У. Исмоиловнинг "Рустам”ида Нишон, Ж. Жабборнинг "Уйқусиз кеча”ида Ботир, У. Азимнинг "Огоҳ бўлинг, одамлар”ида Алиқул, Р. Мухаммаджоновнинг "Ойдин”да Оператор, С. Сирожиддиновнинг "Яраланган оққуш ноласи”да Дониёр, Қ. Норқобилнинг "Қуёшни сен уйғотасан”ида Котиб, Л. Махмуднинг "Имкон”ида Мухбир, Х. Расулнинг "Тили асалим”ида Доктор, Х. Мухаммаднинг "Мардликни сири”ида Эгамқул, А. Толстойнинг "Олтин калитча”да Дуремар, У. Азимнинг "Тонг отган тарафлар”да Ёлғиз мерган каби ролларни ўйнаб келмоқда.