Ғайбулла Жумановга табрик

Ўзбекистон давлат Драма театрининг актёри, «Маданият ва санъат фидокори» кўкрак нишони соҳиби, устоз санъаткор – Ғайбулла Жумановни таваллуд топган куни билан табриклаймиз!

Ғайбулла Жумановга мустаҳкам соғлик, узоқ умр, ижодий ва ижобий ютуқлар тилаймиз!!!

Маълумот: Ғайбулла Ибрагимович Жуманов Ўзбекистон давлат Драма театрида 1980 йилдан буён фаолият юритиб келмоқда.

Ғайбулла Жумановнинг театр санъатида тутган ўрнини алоҳида эътироф этиш жоиздир. Жумладан: “Отасининг қизи”да Воҳид ва Рустам Халилов “Чернобил алангаси”да Ўлмас, “Узоқ қишлоқ”да йигит, “Гўзаллар ва миршаблар”да Муштоқ, “Маъмура кампир”да Дарбоз, “Яратган ёмондан асрасин”да ота, “Эски муҳаббат”да Мурод ака, “Медея”да Эгей, “Зубайда”да Абдулла ва Карло Гоцин, “Жийдалилар”да ота, “Эзгулик йўлида”(Етакчи) да бобо, “Гуноҳда”да Ориф ака, “Даҳо”да ота, “Минг йиллик ҳангома”да Салом ота, “Вафодор”да Бўривой, “Гумроҳ”да Рустам ака, “Сабъаи сайёр”да Хожа, “Ер барибир айланаверади”да Чол ва бошқа бир қанча бош ва етакчи образлар қиёфасини, қаҳрамонларнинг ички дунёсини бадиий салоҳият ва маҳорат билан маромига етказиб, ижро этиб, мутахасисслар ва томошабинлар олқишига сазовор бўлиб келмоқда.

Адиб ва сценарист – Абдуқаюм Йўлдошев асари асосида кинорежиссёр – Музаффар Эркинов томонидан тасвирга олинган «Пуанкаре» фильмида ҳам роль ижро этган.