Отабек Ҳақбердиевга табрик

Муқимий номидаги Ўзбекистон давлат мусиқали театри ва кино актёри - Отабек Ҳақбердиевни таваллуд топган куни муносабати билан чин қалбимиздан табриклаймиз!

Отабекка соғлик, узоқ умр, бахт-саодат, оилавий тотувлик, ижодий ва ижобий парвозлар тилаб қоламиз!
Барча орзулари рўёбга ошишига тилакдошмиз!

Камоли эҳтиром ила - Муқимий номидаги Ўзбекистон давлат мусиқали театри ва Muzaffar.uz сайтининг ижодий жамоалари.

Маълумот: Муқимий номидаги Ўзбекистон давлат мусиқали театри ва кино актёри - Отабек Ишбўриевич Ҳақбердиев 1976 йилнинг 1 май куни Сурхандарё вилоятида таваллуд топган.

Мукофотланмаган.

Маълумоти олий. 1998 йили Тошкент давлат санъат институтининг мусиқали драма факультетини битирган.

1998 йилдан Муқимий номидаги Ўзбекистон давлат мусиқали театрида ишлайди.

Отабек Ҳақбердиев театрдаги фаолияти давомида репертуардан жой олган қатор спектаклларда хилма хил образлар яратиб, томошабинлар эътиборига тушган ижодкорлардан бири. Отабек Ҳақбердиев жорий репертуардаги “Ўлдинг, азиз бўлдинг”да Бўстон, “Хонума”да Акоп, “Гаровдаги муҳаббат”да Самир, “Осмондаги Ҳулкарим»да Миршаб, “Антиқа совчилар”да Ота сингари етакчи ролларни ижро этиб келмоқда.

Айниқса, унинг “Гаровдаги муҳаббат” спектаклидаги Самир образи ўзининг ички кечинмаларга бойлиги, унинг мураккаб ҳаёт йўлини босиб ўтганлигини ишончи гавдалантирганлиги кўпчиликка маъқул бўлди.

Шунингдек театрдан ташқари “Алданган аёл”, “Оппоқ қор”, “Ат-Термизий”, “Виждон”, “Ҳаёт” фильмларида, “Опа-сингиллар”, “Саодат”, “Олтин даврим” телесериалларида ва “Оталар сўзи – ақлнинг кўзи”, “Турмуш чорраҳаларида” каби телетуркумларида қатор характерли роллар ижрочисидир.