Зулайҳо Бойхоновага табрик

Ўзбекистон халқ артисти - Зулайҳо Бойхоновани таваллуд топган куни билан чин қалбимиздан табриклаймиз ва унга мустаҳкам соғлик, узоқ умр, ижодий ҳамда ижобий ютуқлар, энг эзгу истакларимизни тилаб қоламиз!

Камоли эҳтиром ила - Muzaffar.uz сайтининг ижодий жамоаси.

Маълумот учун: Зулайҳо Муҳаммадовна Бойхонова 28 Апрель Наманган вилояти Уйчи туманида туғилган — актриса, хонанда (лирик сопрано). Ўзбекистон халқ артисти (2003). Тошкент театр ва рассомлик санъати институтини тугатган (1986). 1987 йилдан Муқимий театрида актриса. Нурхон (К. Яшин, Т. Жалилов, "Нурхон") унинг саҳнада яратган илк образидир. Кейинчалик Зулайҳо театрда саҳналаштирилган деярли барча спектаклларда бош ролларни ижро этиб танилди: Зулайҳо (Р. Бобожон, Ф. Олимов, "Юсуф ва Зулайҳо"), Нодирабегим (Т. Тўла, Ф. Олимов, "Нодирабегим"), Барчиной (У. Азим, Б. Лутфуллаев, "Қудуқ тубидаги фарёд"), Ойжамол (Р. Маъдиев, Б. Лутфуллаев, "Тақдир"), Умида (Р. Маъдийев, Ф. Олимов, "Девона"), Ширин (Хуршид, Ю. Ражабий, "Фарҳод ва Ширин") ва б. Зулайҳо хонанда сифатида "Самарқанд Ушшоғи", "Фарғона тонг отгунча", "Гар соғинсам", "Бойландилар", "Ўзга ёр йўқдир", "Кечалар", "Унутма", "Оворамиз", "Ҳолат", "Тушимда кўрсам эди", "Соғиндим", "Ё Раб", "Эй дўст", "Саломатлик керак", "Эй, кўнгил", "Алла", "Эҳтиёж", "Шаҳлога тушди", "Бибихоним", "Ҳануз" каби ашула ва қўшиқларни ижро этган. Зулайҳо шунингдек, теленовелла ("Изҳор"да Зулайҳо), видеофилм ("Юсуф ва Зулайҳо"да Зулайҳо, "Кўнгил кўчалари"да Унсин, "Қирқ тоғоранинг қирқ ноғораси"да Бону ва бошқалар)ларда ҳам суратга тушган.