Самандар Ҳамроқуловга табрик

Ўзбекистонда xизмат кўрсатган артист, хонанда, кино актёри ва телебошловчи - Самандар Ҳамроқуловнинг туғилган куни!

Самандар Ҳамроқуловни таваллуд топган куни муносабати билан чин юракдан муборакбод этамиз! Самандарга соғлик, узоқ умр, ишларига муваффақият тилаб қоламиз!

Камоли эҳтиром ила - Muzaffar.uz сайтининг ижодий жамоаси.

Маълумот: Самандар Ҳамроқулов 1978 йилнинг 23 Декабрь куни Наманган вилоятининг Наманган шаҳрида, санъаткор ва қизиқчи - Рустам Ҳамроқулов оиласида таваллуд топган. У Фаробий номидаги 2-мактабга боради. Мактабда ўқиб юрган вақтларида устоз санъаткорлар қўшиқларини ҳиргойи қилиб куйлаб юрарди. Мактабдан сўнг Тошкент Давлат Санъат институтининг "Мусиқали драма" факултетини тамомлайди. Самандарнинг илк ижодидаги "Севги фазоси" қўшиғи оммалашиб кетди. Сўнг "Асалим гўзал", "Самандар тангоси" ҳамда 2002-йилда суратга олинган Рустам Саъдиевнинг "Муҳаббат синовлари" фильмига ишланган "Сен ўзинг" соундтреки жуда ҳам оммалашиб, машҳур тарона даражасига етди. Xонанда нафақат қўшиқчи, балки у кинофилмларда бир-биридан ажойиб ролларнин ижро этади. Xуршид Дўстмуҳаммад асари асосида Собир Дадамуҳамедов суратга олган "Чаён гул", "Муҳаббат синовлари-1" ва "Муҳаббат синовлари-2" фильмларида бош ролни ижро этган. Бундан ташқари режиссёр Жаҳонгир Қосимовнинг "Тақдир", "Тўда", Аҳад Фармоновнинг "Муҳаббатимсан" ва Зебо Наврўзованинг "Ярим баxт" фильмларида ҳам бош ролларни аъло даражада ижро этиб келган. Самандар Ҳамроқулов бир қанча мукофотларни ҳам қўлга киритган. 2002-йил "Тарона" мукофотида "Мусиқада йил янгилиги", 2003-йил "Ниҳол" мукофоти совриндори, 2004-йилда эса яна "Тарона" мукофотининг "Йил қўшиқчиси" ва 2007-йилда Ўзбекистонда xизмат кўрсатган артист мукофотлари билан тақдирланган.