Миролим Қиличовга табрик!

«Шуҳрат» медали соҳиби, Ўзбек Миллий Академик драма театри ва кино актёри – Миролим Қиличовни таваллуд топган куни муносабати билан чин қалбимиздан муборакбод этамиз!
Миролим Қиличовга энг аввало, соғлик, узоқ умр, бахт-саодат, ижодий ишларига муваффақият тилаймиз!

Маълумот: Миролим Хуснитдинович Қиличов 1987 йилнинг 28 Ноябрь куни Бухоро вилоятида туғилган.
Миролим Қиличов Ўзбек Миллий Академик драма театрида 2008 йилдан буён меҳнат қилиб келмоқда.
2014 йили «Шуҳрат» медали билан мукофотланган.
У қатор спектаклларда етакчи ролларни ижро этган. А. П. Чеховнинг «Юбилей» спектаклида А. Шипучин, Гогольнинг «Уйланиш»да Потколёсин, В. Шекспирнинг «Қирол Лир»да Кент образлари шулар жумласидандир. Миллий театрда Тилаб Маҳмудовнинг «Тортадурман жабрини» спектаклида Азим, У. Азимнинг «Бор эканда, йўқ экан»да Мунажжим, «Огоҳ бўлинг, одамлар»да Шодмон, Н. Аббосхоннинг «Ўзбекча рақс»ида Кенжа ўғил, Қ. Норқобилнинг «Тақдир синовлари»да Тилаволди, В. Дельмарнинг "Омон бўлгин, азизим!»да Роберт, С. Имомовнинг "Қорда ёнган муҳаббат»ида Эр, Э. Ҳушвақтовнинг «Кўнгил»ида Мурод, Қ. Норқобилнинг «Қуёшни сен уйғотасан»да Тоир, Л. Маҳмуднинг «Имкон»да Жумонг, Р. Муҳаммаджоновнинг «Ойдин»да Самандар, А. Иброҳимовнинг «Сенга бир гап айтаман»да Доктор каби турли характердаги ролларни маҳорат билан ижро этиб келмоқда.
2013 йилда ўтказилган «Сени куйлаймиз, замондош» Республика театр санъати танловида Р. Муҳаммаджоновнинг «Ойдин» спектаклдаги Самандар роли учун «Энг яхши эркак» роли номинациясига сазовор бўлган.
М. Қиличов кино санъатида ҳам бир қатор эътиборли роллар ижро этмоқда. «Ғурбат» фильмида А. Олимов, «Киракаш»да Йигит, «Белбоғ»да Содиқ, «Сабо»да Эр, «Умид»да Умид, «Ҳаётим орзуси»да Анвар, «Жасур»да Жасур, «Жийда гули» телесериалида Ботир, «Фидойилар»да Ҳакимжон, «Виждон»да Жавлон, «Хиёнат», «Уқубат», «Девона фаришта», «Сабоқ», «Ўзга сайёралик эр» каби фильмлар ва кўплаб миллий сериаллардаги ижро этган роллари орқали томошабин меҳрини қозонган.
М. Қиличов 2012 йилда кино соҳаси бўйича ўтказилган танловда Б. Одиловнинг «Жасур» фильмидаги Жасур роли ижроси учун, «Энг яхши эркак» номинацияси билан тақдирланган.