Фахриддин Шамсиматовга табрик!


  Юксак истеъдодли актёр, маҳоратли режиссёр ва дубляж устаси, Ўзбекистон Республикасида хизмат кўрсатган артист, Muzaffar.uz сайтидаги "Аудио китоб" бўлимининг муҳаррири - Фахриддин Шамсиматовни туғилган куни билан чин қалбимиздан муборакбод этамиз!
  Фахриддин Шамсиматовнинг ролларида ҳамиша шижоат, мардлик тимсолини кўрамиз. Ҳаётда ҳам ўзи ижро этган роллари каби мард, дангал ва жасоратли ИНСОН! 
  Фахриддин Шамсиматовга энг аввало мустаҳкам соғлик, узоқ умр ва бахт-саодат тилаймиз! Барча орзулари рўёбга ошишига тилакдошмиз!

Камоли эҳтиром ила - Muzaffar.uz сайтининг ижодий жамоаси.

   Маълумот: Фахриддин Шамсиматов - Ўзбекистон Республикасида хизмат кўрсатган артист, актёр, режиссёр ва дубляж устаси. 1996 йилдан бери режиссёрлик фаолияти билан шуғулланиб келади. Фахриддин Шамсиматов тасвирга олган ва телевидение экранлари орқали эфирга узатилган новеллалар, ток-шоулар, ҳужжатли фильмлар, реклама ва ижтимоий роликлар муаллифи ҳамда режиссёри.
  2012 йилда "Ўзбекфильм" киностудиясида "Сой қўшиғи" бадиий фильмини суратга олган. Сценарий муаллифлари - Игорь Блидарев ва Шароф Бошбеков.
    2012 йилда Ўзбекистон Республикасида хизмат кўрсатган артист унвони берилган.
   Ижтимоий роликлар ғолиби, "Энг улуғ, Энг азиз" кўрик-танлови ғолиби. (Йилнинг энг яхши эркак роли учун). Россияда ўтказилган "DETEKTIV FEST" Фестивалида "Ҳақиқий эркаклар ови" бадиий фильмидаги милиция полковниги Озод роли учун "Энг яхши эркак роли" номинацияси ғолиби бўлган.
  2013-2017 йилларда "Ўзбектелефильм" студиясида "Олтин даврим" кўп қисмли телевизион сериалининг режиссёри ҳамда Исмоил Шомурод билан биргаликдаги сценарий муаллифи ҳамдир. 
  Ижтимоий роликлар фестивалида наркоманияга қарши курашга бағишланган ижтимоий ролиги учун биринчи ўринни олган.
  Шунингдек, Фахриддин Шамсиматов дубляж соҳасига ҳам талайгина салмоқли улушини қўшиб келаётган дубляж усталаридан бири ҳисобланади. Жумладан, чет эл фильмларига овоз беришдан ташқари, ижод йиллари давомида кўпгина ҳофиз актёрларга ҳам овоз берган.  Сардор Раҳимхон, Равшан Собиров, Отабек Муталхўжаев,  Жўрабек, "Беном" гуруҳидаги Комил; ёш ўзбек актёрлари орасида Бобир Йўлдошев, Фарруҳ Соипов ва ҳоказо.










Изоҳлар 1
  1. Фахриддин Шамсематов ни жуда хурмат қиламан. Унинг "Сардор-2", "Остона", "Ёзсиз йил", "Кўринмаслар", "Ҳақиқий эркаклар ови", "Окахон" каби кўплаб фильмларда ижро этган роллари профессионал даражада тақдим қилинган. Режиссер сифатида эса "Сой қўшиғи" ва "Олтин даврим" каби телесериалларда ўз махоратини имкон қадар юксак даражада намоиш этган. Дубляждаги ишлари ҳам тахсинга лойиқ.
    Ўзбек халқининг забардаст ижодкорларидан бири десам хато қилмайман.
    Фахриддин Шамсиматов таваллуд айёмингиз билан чин қалбдан табриклайман!
    Илоҳим барча эзгу ниятларингиз ижобат бўлсин!
    Орзуингиздаги, ниятларингиздаги роллар насиб этсин! Янги-янги фильм, телесериаллар яратиб чарчаманг! Овозингиз дубляжларда жаранглаб турсин!
    Оилангиз билан қўша қариб, фарзандларингизни роҳатларини кўриб қувониб юраверинглар!

Гость, изоҳ қолдирасизми?
Имя:*
E-Mail:


Изоҳлар
Феруза Абдуллаевага табрик
Инсонни безаги унинг маьнавий қиефаси деб биламан, чунки у еки бу инсон қанчалик бой- бадавлат бўлмасин, гар унда қалб бўлмаса, мехр бўлмаса, идрок
Қалпоқ - Ўғри
Ассалому алайкум. Мен "Youtube" каналидан Қалпоқ хажвий кўрсатувини мунтазам кўриб бораман. Ўз юртимизда бачкана бўлмаган, менталитетимизга тўғри
Муслимбек Йўлдошев - "Эслаб, эслаб" кўрсатувида
Мени унча яхши билмайдиган бошловчилар билан жуда кўп кўрсатув ва эшиттиришларда эфирга чиққанман. Аммо Фарҳод Абдуллаев билан биз институт
Фахриддин Шамсиматовга табрик!
Фахриддин Шамсематов ни жуда хурмат қиламан. Унинг "Сардор-2", "Остона", "Ёзсиз йил", "Кўринмаслар", "Ҳақиқий эркаклар ови", "Окахон" каби кўплаб
Ўктам Усмонов таваллуд топган кун
Бу ерда хам телевидение қудратини тан олиб ўтмасак бўлмайди. Бошқа асарлари каби “Гирдоб” романларини ҳам кўпчилик билмай қолмши мумкин эди. Сеҳргар
Маълумот