ТАЛАБАЛИК – КЕЛАЖАКДАГИ МУВАФФАҚИЯТ ПОҒОНАСИДИР

Ўзбекистон Давлат Санъат ва маданият институти (қисқартма тарзда ЎзДСМИ) – мамлакатимизнинг энг йирик ва нуфузли санъат ва маданият олий ўқув юртларидан биридир. Бу маскан Театр санъати, Халқ ижодиёти, Кутубхона ва ахборот фаолияти, Кино, Телевидение ва Радио санъати каби қатор йўналишларда юқори малакали мутахассисларни тайёрлаш билан машғул. Институт талабаларининг ҳаёти, ўқув жараёни ва маданий ҳаёти ниҳоятда ранг-баранг ва қизиқарли.

ЎзДСМИда ўқиш жараёни талабаларнинг санъатга бўлган иштиёқи, қобилиятлари ва иқтидорларини ривожлантиришга қаратилган. Институтнинг ўқитувчилари тажрибали ва малакали мутахассислар бўлиб, талабаларга замонавий билимларни бериш ва уларнинг ижодий салоҳиятларини очишга ҳаракат қилишади.

Ўқув жараёни классик ва замонавий ўқув услубларини бирлаштириб, машғулотлар, семинарлар, маҳорат дарслари, концертлар, спектакллар ва кўргазмалар орқали амалга оширилади.

Талабаларнинг санъатдаги фаолияти фақат дарс жараёни билан чекланмайди. Институтда ҳар хил ижодий гуруҳлар, студиялар, ансамбллар ҳам фаолият кўрсатади. Талабалар ўзларининг ижодий ишларини, концертларини, спектаклларини ва кўргазмаларини тақдим этиш имкониятига эга.

ЎзДСМИнинг маданий ҳаёти жуда бой ва ранг-баранг. Институтда қўшиқ ва рақс кечалари, концертлар, спектакллар, кўргазмалар, спорт мусобақалари ва бошқа маданий тадбирлар мунтазам ўтказилади. Талабалар мамлакатимизнинг ёш санъаткорлари билан ижодий ва танқидий мулоқот қилиш, уларнинг ижодий ишларини баҳолаш ва ўзларининг ижодларини намойиш этиш имкониятига эга.

ЎзДСМИда талабалар ўртасида жуда кучли жамоа шаклланган. Талабалар бир-бирларига ёрдам бериш орқали ўзаро ижодий мулоқотда бўлишади ва ҳамкорликда ижодий лойиҳаларни амалга оширишади.

ЎзДСМИда ўқиш талабалар учун фақат билим олиш имконияти эмас, балки уларнинг келгусидаги ўзлари танлаган соҳаларда ишлаш ва ютуқларга эришишлари учун ҳам поғонадир. Ҳамида Махмудова, Рашид Уснатов, Темур Рашидов, Жаҳонгир Маматқосимов, Марина Юсупова, Рамз Қодиров, Сарвиноз Қодирова, Омонулла Ризаев каби моҳир педагогларларни санаб ўтишимиз мумкин. Институт талабаларга нафақат билим бериш билан шуғулланади, балки уларни ҳар томонлама етук кадрлар бўлиб етишишлари учун имконият бериб, ижодий салоҳиятларини шакллантиради ва келажакдаги фаолияти учун мустаҳкам пойдевор яратади.

Институтнинг билимли ва малакали битурувчилари мамлакатимизнинг санъат ва маданият соҳасида муҳим роль ўйнашади.

Садоқат ЭРМАТОВА – Ўзбекистон давлат Санъат ва маданият институти Девонхона ва архив бўлими мудираси.