ҲИКМАТЛАР

- Меҳр кўздагина эмас, қалбда ҳам бўлсагина, у ҳеч қачон сўнмайди.

- Меҳрни ҳам парваришлаш даркор, чунки у сизга шодлик бағишлайди.

- Меҳрибон бўлиш осонми, меҳрсизми, менимча хар иккаласи ҳам ўзингизга боғлиқ.

- Меҳр сотиладими, олинадими, ҳар иккаласи ҳам ўзингизга боғлиқ.

- Хиёнатни кечириш мумкинми? Ҳа мумкин, фақат у қабргача сиз билан бирга боради.

- Ватанни севмоқ имондандир, севмаслик-чи? Имонсизликдандир.

- Ватансизлик, гадой бўлишдан ҳам баттардир.

- Кўнгилнинг давоси ҳам, оғриғини ҳам - фақат ўзинг даволайсан: агар узоқ умр кўришни истасанг.

- Гўзаллик дунёни қутқаради, чиркинлик дунёни лойқалатади.

- Бизга севиш ҳам, севилиш ҳам Оллоҳдандир, демак, олдин Оллоҳни, кейин ўзгани севинг, чунки Оллоҳ сизни асрайди.

- Севгида эхтиёт бўлинг, чунки сизни у парчалайди.

- Болам азиз, аммо унинг тарбияси-чи, ундан-да азиз.

- Болангизни ҳуда-беҳудага эркалатманг, чунки у сиздан фойдаланади.

- Болангизга ишонинг - сизга у ишониши учун.

- Ҳеч қачон турмуш ўртоғингизни алдаманг, сиз уни алдашингиз мумкин, аммо Оллоҳни алдай олмайсиз, унинг ўзи хакамдир.

- Билмаган инсон ҳақида ёмон фикрга борманг, бу катта хатодир.

- Бировга тош отманг - оғирлик юки, қўлингизда қолади.

- Кимни кечириш мумкин? Ҳаммани, чунки сизни ҳам ҳамма кечиради.

- Севги нима ўзи? Ҳиссиетми, ақлми? Ҳар иккаласи ҳам.

- Кимни севиш мумкин? Сизни қадрлаганни.

- Дунёда энг катта мулк - одамийлик, яхшилик, меҳрибонлик мулки деб биламан.

- Энг катта зарба - бир умр севган одамингнинг хиёнатидир.

- Яшаш осонми, кураш осонми? Иккаласи ҳам осон эмас!

- Фарзандинг ўғилми, қизми, аввало одам бўлсин.

- Дўст бўлиш осонми, душман? Ҳар иккаласи ҳам ўзингга боғлиқ.

- Бу дунёда мол-мулк йиғма, барибир уни олиб кета олмайсан.

- Дўстман деб аврайди - душман деб алдайди.

- Меҳр олишни истасанг - меҳр бер.

- Қандай яшаш ўз қўлингда, фақат қўлингни тоза тут.

- Оилангни ўзинг асра - ўзгадан сир сақла.

- Хотининг хақида кўчада гапирма, чунки сен қўчадан келасан.

- Оиланг сенинг хазинанг - уни йўқотдингми, оиланг ҳам йўқолади.

- Эр бермоқ - жон бермоқ бўлса, хотин бермоқ - номус бермоқдир!

- Ҳамиша хатони ўзингдан изла, унинг ечимини тез топасан.

- Илм излаки - илмсизга таьлим бер.

- Илм катта хазина- илмсизлик боши берк кўчадир.

- Аёл оиланинг маьнавий қудратидир, эркак эса маьнавий бойлиги.

- Дўстинг бор, ғаминг йўқ. Дўстинг йўқ, ғаминг кўп.

- Ўз она тилингни асраки - бошқа тил ўрнини эгалламасин.

- Она тилинг билан бойсан, ўзга тил билан бегонасан.

- Ўз она тилингни ҳимоя қилки, ўзгалар сени ҳимояга олсин.

- Сен қачон бойсан - қачонки меҳринг бой бўлса.

- Аёлнинг буюклиги - бой фазилатга эга бўлишидир.

- Энг бахтли аёл- ибосини безаган аёлдир.

- Энг кучли аёл - нафсини тия олган аёлдир.

- Мард эркак ҳеч қачон оиласига хиёнат қилмайди.

- Унутманг: ўғил ота изини, қиз она изини давомчисидир.

- Ота-онангни қадрлаки - токи фарзандларинг ҳам сени қадрласин.

- Унутмангки, қадрдонлар, бу дунёда, ҳаммамиз меҳмонмиз.

- Кўнгилни оғритмоқ, дилга яра тугмоқдир.

- Яхшилик ҳам , ёмонлик ҳам қўлингиздадир, танлов ўзингиздадир.

- Жаннатни ҳам, жаҳаннамни ҳам ўзингиз яратасиз, танлов ўзингиздадир.

Жамила Шермуҳамедова - Республика Маьнавият ва маьрифат маркази эксперти, “Маьрифат” тарғиботчилар жамияти аьзоси. Файласуф, сиёсатшунос, оилашунос, гердеролог, тадқиқотчи олима.