БИЛГАНЛАРГА ТАКРОР, БИЛМАГАНЛАРГА ЭСЛАТИШ УЧУН ИЛИНДИК

Хитойнинг энг бадавлат тадбиркорларидан бири вафот этди. Банкда 1.9 млрд долларга яқин пули аёлига мерос қолди. У аёл эрининг ҳайдовчисига турмушга чиқди. Ҳайдовчи: «Ҳаётим давомида хўжайинга хизмат қилдим, деб ўйлаб юрардим. Билсам, хўжайиним бутун умр мен учун тер тўккан экан» деди. Аччиқ ҳақиқат шундаки, умримизни мулк жамлашга интилиб ўтказамиз.

Замонавий телефонларнинг 70% функциясидан деярли фойдаланмаймиз.

Энг қиммат, катта тезликда юрадиган автомобильларнинг ҳам 70% дан ортиқ тезлигида юрмаймиз.

Ҳашаматли қасрингиз бўлса ҳам, унинг барча хоналаридан фойдалана олмайсиз. 70%и чанг босиб ётади.

Кийим- кечакларни айтмайсизми? Уларнинг 70%ини киясиз. Қолганларининг бор-йўғи эсингизда ҳам қолмайди.

Ҳаёт давомида ҳам бор пулларимизни тишимиз ковагида сақлаймиз. Кимгадир моддий ёрдам қилиш у ёқда турсин, кези келганда еб-ичишимиздан ҳам тийган бўламиз. Биз ҳаммасини қолдириб кетамиз. Бошқалар эга чиқадилар.

Шундай экан, дунёни деб сиқилманг. Тақдирингизга битилганидан ортиғига эриша олмайсиз. Кучли, бой бўлсангиз хокисорликни, мулкда қусурингиз бўлса, қаноатни унутманг.

Мулкингиздан эҳсон қилганларингизгина сиз билан охиратга кетади. Тўғри тасарруф қилмаганларингиз қаршингизда зарарингизга гувоҳ бўлади.

Карим БАҲРИЕВ.