ОТА
Абдукамол РАХМОНОВОТА
Сен эмасми, охирги нонин,
Ўзи емай ўғлига тутган?..
А.Орипов
Ўғлим деб, қизим деб, суюб, эркалаб,
Фарзандин бағрига босган оталар.
Болам-чақам, дея ҳар тонг, эрталаб,
Хуржунни елкага осган оталар...
Номлари қалбларда достон оталар!
Отадан меҳрибон борми дунёда?
Отадан қадрдон борми дунёда?
Отадан зўр боғбон борми дунёда?
Оталар, Сиз қурган йўллар чароғон,
Оталар, Сиз билан ҳаёт фаровон!
Отанинг қўллари дуода доим,
Юзидан таралар нур, зиё, илм
Кўзлари меҳрибон, қалби мулойим.
Ота каби ҳеч ким беролмас таълим,
Фақат, ота эрур буюк муаллим!
О, оталар! Одам атога қондош,
Пайғамбар хислати Сизда мужассам.
Атодир ғойибдан сабр, куч, бардош,
Оталар авлиё, улуғ, муаззам..
Отага тенг келмас биронта аъзам!
Ота, деган сўздан буюги бўлмас,
Ота босган издан қутлуғи бўлмас,
Мен учун отадан улуғи бўлмас!
Падари бузругим – доим ҳамроҳим...
Сиз каъбам, Сиз қиблам, Сиз саждагоҳим!
Қудратли, журъатли суянган тоғим,
Иймон-эътиқодда қойим қўрғоним,
Сиз менинг қуёшим, ўчмас чироғим!
Ҳам устоз, ҳам пирим, асл султоним –
Умримнинг зиёси, жон отажоним!
Қалбимнинг устуни, кўзимнинг нури,
Шаънимнинг қалқони, ишончим отам.
Шарафли йўлингиз кўнглим шуури,
Авлодлар ғурури – қувончим отам,
Шуҳратим, шавкатим, таянчим отам!
Сиз қурган уйларда фароғат кўрдим,
Сиз юрган йўлларда шафоат кўрдим,
Сиз босган изларда саодат кўрдим.
Отажон, тугамас бурчим ва қарзим...
Қутлуғ пойингизга минг бора таъзим!
24.09.2017
-
Бўлимлар
Маълумот
Янгиликлар new
Изоҳлар
Карима Зарипова
{Здравствуйте я бы хотела поступить в вашь Эстрадно цирковой колледж
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
Маълумот