ПОСБОНЛАРИМ
Абдукамол РАХМОНОВПОСБОНЛАРИМ
Мустақиллик, тинчлик учун доим қодир
Мангуберди, Темур каби арконларим.
Эл корига камарбаста, чин баҳодир –
Қўли баланд, насли султон полвонларим!
Ватан учун кўкси қалқон посбонларим!
Лочин каби осмонларда баланд учган,
Ҳарбий ишга бел боғлаган, жондан кечган.
Она замин тупроғини севиб қучган –
Қўрқув билмас, ёвқур-зукко полвонларим!
Ватан учун кўкси қалқон посбонларим!
Тоғ келбатли куч-қудратим, дармонларим,
Суянчиғим, ор-номусим, виждонларим,
Ер-осмонни қадр билган ўғлонларим,
Садоқатли фарзандларим – полвонларим!
Ватан учун кўкси қалқон посбонларим!
Юртни асраш ота мерос, бобо мерос
Алпомишлар авлодисан қамчини бос.
Эл-юртига хизмат қилиш мардларга хос,
Қони қайноқ, тулпор минган полвонларим!
Ватан учун кўкси қалқон посбонларим!
Инсон қадрин улуғламоқ бош ғоямиз,
Тинч бўлишсин қўни-қўшни, ҳамсоямиз.
Дунё билсин, куч-қудратли ҳимоямиз –
Ориятли шунқорларим, полвонларим!
Ватан учун кўкси қалқон посбонларим!
Шу тупроққа тиз чўкаман, ҳар кун, ҳар он,
Юрт тинч бўлсин, омон бўлсин ҳар бир инсон.
Сизлар бор-ки, карвоним тинч, тинчдир қўрғон –
Халқ таянчи, мард-забардаст полвонларим!
Ватан учун кўкси қалқон посбонларим!
07.01.2023
-
Бўлимлар
Маълумот
Янгиликлар new
Изоҳлар
ЭЗОТЕРИК ПСИХОЛОГИЯ НИМА?
Assalamu aleykum va rahmatullohi va barokatuhu, shunaqa bolishini hohlirdm ,balki hayotimdigi bolib utgan hofisala tufayli ,kop narsa haqda uylidgan
ОНА ТИЛИМ ЎЛМАЙДИ
She'r juda ajoyib
В IT только девушки
Молодцы 👍 👍 Что бы таких профессионалы были много Они наши девочки, желаю удачи им и больше проектов.
Телевизион образлар эволюцияси
Xozir tvni siyosatlashishidan uzoqqa ketdikmi, “chizilgan chiziqdan” tv hodimlarni ahvoli hamağa ma’lum, bu ichki tsenzura deyiladi, Mustaqil filths
Карима Зарипова
Республиканский эстрадно-цирковой колледж имени КАРИМА ЗАРИПОВА, приглашает всех желающих на учебу… Документы принимаются с 25 мая.
Маълумот