Илоҳим, шундай этки...
Шоҳмаммад ТОҒЛАР ўғли
Илоҳим, шундай этки...
Илоҳим, шундай этки, тунлар узайсин бироз,
Бошим узра турганча жилмайсин илҳом парим.
Севги тўла кечалар қисқа, тўймасман, у оз,
Ёзмасам - фикрларим учар ухлаган сарим.
Илоҳим, шундай этки, ҳадеб уйқу тутмасин,
Ухлаганнинг ўликдан бир озгина фарқи бор.
Кўкда сузган булутлар нурли ойни ютмасин,
Фарқи йўқ ташқарида ёмғир ёки ёғса қор.
Илоҳим, шундай этки, қўлим сўзимга боқсин,
Яшаётган бу ондан руҳим, кўзим тўймасин.
Шодликдан кўзларимдан қувонч ёшлари оқсин,
Дард менинг севинчимни етим қилиб қўймасин.
Илоҳим, рухсат бергин - суянай Сенга ёлғиз,
Қўлим очиб дуога Сендан сўрайман мадад.
Сенсиз кун тошлар ичра қолгандек қиламан ҳис,
Қилмишим Сенга аён, шукур қилгум беадад!
Илоҳим, шундай этки, яна кўрай сабони,
Дуо қилдим - узайсин тинч, осуда тунларим.
Гуноҳларим кечиргин, арит бало-қазони,
Шамолда тарқаб кетсин дилдаги тутунларим.
Озар тилидан Музаффар МУҲАММАДНАЗАР таржимаси.
So‘nggi she’rlardan...
Shohmammad TOG‘LAR o‘g‘li
Ilohim, shunday etki...
Ilohim, shunday etki, tunlar uzaysin biroz,
Boshim uzra turgancha jilmaysin ilhom parim.
Sevgi to‘la kechalar qisqa, to‘ymasman, u oz,
Yozmasam - fikrlarim uchar uxlagan sarim.
Ilohim, shunday etki, hadeb uyqu tutmasin,
Uxlaganning o‘likdan bir ozgina farqi bor.
Ko‘kda suzgan bulutlar nurli oyni yutmasin,
Farqi yo‘q tashqarida yomg‘ir yoki yog‘sa qor.
Ilohim, shunday etki, qo‘lim so‘zimga boqsin,
Yashayotgan bu ondan ruhim, ko‘zim to‘ymasin.
Shodlikdan ko‘zlarimdan quvonch yoshlari oqsin,
Dard mening sevinchimni yetim qilib qo‘ymasin.
Ilohim, ruxsat bergin - suyanay Senga yolg‘iz,
Qo‘lim ochib duoga Sendan so‘rayman madad.
Sensiz kun toshlar ichra qolgandek qilaman his,
Qilmishim Senga ayon, shukur qilgum beadad!
Ilohim, shunday etki, yana ko‘ray saboni,
Duo qildim - uzaysin tinch, osuda tunlarim.
Gunohlarim kechirgin, arit balo-qazoni,
Shamolda tarqab ketsin dildagi tutunlarim.
Ozar tilidan Muzaffar MUHAMMADNAZAR tarjimasi.
SON ŞEİRLƏRDƏN...
İlahi, elə et ki...
İlahi, elə et ki, gecə uzansın bir az,
Durub başımın üstdə gülərüz ilham pərim.
Sevgi dolu gecələr həm qısa, həm doyulmaz,
Yazmasam yadda qalmaz bu xoş düşüncələrim...
İlahi, elə et ki, məni yuxu tutmasın,
Yatanların ölüdən bir azacıq fərqi var.
Göydə axan buludlar nurlu Ayı udmasın,
Fərq eləməz, bayırda yağış yağa, ya da qar.
İlahi, elə et ki, əlim sözümə baxsın,
Yaşadığım bu andan ruhum, gözüm doymasın.
Fərəhdən elə gülüm, gözlərimdən yaş axsın,
Dərd məni yetim qoyub, sevinc yetim qoymasın.
İlahi, elə et ki, güvənim yalnız Sənə,
Sənə əl açım ancaq, Səndən alım məsləhət.
Qalaram daşlar altda, daş yağar Sənsiz günə,
Səninçün pərdəsizdir gördüyüm iş – düz, qələt.
İlahi, elə et ki, görüm gələn sabahı,
Əl açım, dua edim, uzansın gecələrin.
Bağışlama göz görə elədiyim günahı,
Açmasını pıçılda “nə”lərin, “necə”lərin...
Şahməmməd Dağlaroğlu
Манба: "Ижод чашмаси" журнали, 2023, Октябрь №10 (21) сони.
-
Бўлимлар
Маълумот
Янгиликлар new
Изоҳлар
ЭЗОТЕРИК ПСИХОЛОГИЯ НИМА?
Assalamu aleykum va rahmatullohi va barokatuhu, shunaqa bolishini hohlirdm ,balki hayotimdigi bolib utgan hofisala tufayli ,kop narsa haqda uylidgan
ОНА ТИЛИМ ЎЛМАЙДИ
She'r juda ajoyib
В IT только девушки
Молодцы 👍 👍 Что бы таких профессионалы были много Они наши девочки, желаю удачи им и больше проектов.
Телевизион образлар эволюцияси
Xozir tvni siyosatlashishidan uzoqqa ketdikmi, “chizilgan chiziqdan” tv hodimlarni ahvoli hamağa ma’lum, bu ichki tsenzura deyiladi, Mustaqil filths
Карима Зарипова
Республиканский эстрадно-цирковой колледж имени КАРИМА ЗАРИПОВА, приглашает всех желающих на учебу… Документы принимаются с 25 мая.
Маълумот