Ўғлим, сен эшит
Ўғлим, сен эшит«Ишонч билан ишга кириш,
Сабр билан ишла», — дер,
Онанг дуосига эриш,
Отанг учун обрў тер!
Юмшоқ гапир аёлингга,
Қадам ташлаб сен мағрур.
Софлик бўлсин хаёлингда,
Қалбига жойлаб ғурур.
Харажат қил оқилона,
Аллоҳ берсин ҳалолидан.
Опа-сингил, амма, хола,
Хабардор бўл аҳволидан.
Эркагона бўлсин гапинг,
Таомлан оз, содда кийин.
Яқин тутсанг очиб қалбинг,
Ўз-ўзидан тахтинг тайин.
Ўз ўрнига эга бўлар,
Аёл дилин топган эркак.
Омад кулар, бахти тўлар,
Ҳеч кимсага бўлмас эрмак!
МАСЛАҲАТ
Мақтов ёқар эркакка,
Аёлларга яхши гап.
Мадор бўлар юракка,
Берар беҳад яхши наф.
Қувониб бажонидил,
Қабул қилишар дилдан.
Ҳар ишга бўлиб қодир,
Бол, асал учар тилдан.
Умрингизнинг йўлдоши
Ардоқлар сизни баттар.
Мева-чева, нон, оши
Бўй таратар муаттар
Ишонч ортиб ўзига,
Юрар меҳрини тараб.
Ишонаман мен сизга,
Мен доим денг: сиз тараф.
Сиз билан фахрланиб,
Яшайман деб айтинг шод.
Турса-да қаҳрланиб,
Қалби гумондан озод.
Айтманг муаммоларни,
Фақат денг: «Сизга гап йўқ».
Ғамҳўр ҳамроҳ бўларни,
Берган Аллоҳга қуллуқ!
Шунчаки руҳлантирар,
Сўздан рашк мағлуб бўлар.
Ёрин озиқлантирар,
Сўздан ишқ ғолиб бўлар.
Оғриқ йиғлатмайди ҳамиша
Оғриқ йиғлатмайди ҳамиша,
Гўзалликни кўра олса кўз.
Тоғдек йўқотганинг — ушоқча,
Тасаллини уддаласа сўз.
Яхши кўрганларни қадрлаб,
Ёмон кўрганларни қилсанг дўст;
Яхши кунинг юрсанг хотирлаб,
Умринг ўтар бекаму, бекўст.
Доғ эмас тоғ бўлган ёрига,
Сўраб олмас ҳурмат, иззатин.
Ярар катта-кичик корига,
Қилади беминнат хизматин.
Умид, ишонч, муҳаббат кетса,
Келар нолиш, ҳориш, зерикиш.
Нафс балосин кимки дафн этса,
Бир-бировни қўллаш, бирикиш!
Ҳеч ким кирмас ҳаётингизга,
Шунчаки ўз-ўзидан ўйнаб.
Солиб қувонч, ғам ёдингизга,
Қувнатиш ё қўйишга қийнаб.
Ўз ўрни, ўз вазифаси бор,
Сизга ҳамроҳ ҳар бир одамнинг.
Ҳар бирига бериб эътибор,
Сиз қадрига етинг ҳар дамнинг.
Оғриқ йиғлатмайди ҳамиша,
Гўзалликни кўра олса кўз.
Бир лаҳзада қилмай андиша,
Ўлдириши мумкин битта сўз!
Умида АБДУАЗИМОВА
-
Бўлимлар
Маълумот
Янгиликлар new
Изоҳлар
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
ЎЗБЕК ТИЛИМ - КЎЗДЕК ТИЛИМ
Mutloq haqiqatni ifodalovchi misralar. Kam bòlmang Muslimbek aka. Kareyslar 600-800 doll. tòlab biznikilardan òtayotgan fanlari haqida qòllanmalar
Маълумот