СЕН ШЕЪРЛАРИМНИ ЎҚИГАН ОҚШОМ
Абдуқаюм ЙЎЛДОШЕВСЕН ШЕЪРЛАРИМНИ ЎҚИГАН ОҚШОМ
Бўлди. Бўлди. Ўқима, етар.
Қолганини оловга от. Бас!
Ёшга тўлган кўзларинг билан
Кўзларимга боққил бир нафас.
Ўтинаман, йиғлама, эркам,
Кўз ёшингга улар арзимас.
Ёшга тўлган кўзларим билан,
Кўзларингга боқай бир нафас.
Энди оғир рўёлар унут,
Изтироблар, тушкунликлар ҳам.
Неча йиллик армоним тўлуғ —
Бажо бўлди, учрашдик бу дам...
Энди бизга ҳижрон бегона,
Энди бизга мангулик висол.
Азобларнинг заҳрига қона,
Шу лаҳзага етишдик алҳол.
...Биз адашдик, адаштирдилар
Ҳасад билан тирик инсонлар.
Тентирадик бегона қирлар,
Тоғ-жарларда неча замонлар.
Мен яшашдан кўп бор тўярдим,
Жон истарди сўнгги нафасин.
Лек сўнгги дам дилда туярдим
Ожиз умид мавҳум шарпасин.
Юрагимни кимга бўшатай,
Кимга даркор нола, ғам-алам.
Ногоҳ менга ҳамдил, ҳамдарддай
Пайдо бўлди қоғоз ва қалам.
Мен сўйладим ғам-аламимни,
Ҳижрон заҳрин шеърда сўйладим.
Мен ёзмадим, қалб ҳисларимни
Маҳзун қўшиқ қилиб куйладим.
Мана, бу дам улар қўлингда,
Бўлди, барин аямасдан ёқ!
Менга жумла-жаҳон назмидан
Бир томчи кўз ёшинг азизроқ...
Бўлди. Бўлди. Ўқима, етар.
Қолганини оловга от. Бас!
Ёшга тўлган кўзларинг билан
Кўзларимга боққил бир нафас...
1982 йил.
-
Бўлимлар
Маълумот
Янгиликлар new
Изоҳлар
ЭЗОТЕРИК ПСИХОЛОГИЯ НИМА?
Assalamu aleykum va rahmatullohi va barokatuhu, shunaqa bolishini hohlirdm ,balki hayotimdigi bolib utgan hofisala tufayli ,kop narsa haqda uylidgan
ОНА ТИЛИМ ЎЛМАЙДИ
She'r juda ajoyib
В IT только девушки
Молодцы 👍 👍 Что бы таких профессионалы были много Они наши девочки, желаю удачи им и больше проектов.
Телевизион образлар эволюцияси
Xozir tvni siyosatlashishidan uzoqqa ketdikmi, “chizilgan chiziqdan” tv hodimlarni ahvoli hamağa ma’lum, bu ichki tsenzura deyiladi, Mustaqil filths
Карима Зарипова
Республиканский эстрадно-цирковой колледж имени КАРИМА ЗАРИПОВА, приглашает всех желающих на учебу… Документы принимаются с 25 мая.
Маълумот