АЗИЗИМ
Сулҳида Ёлғиз АЗИЗИМ
..Кошкийди яшолсам. Азизим.
Куйиб борар кўксим, ёрилган ишқдан,
Толейимга қул каби қасамлар билан.
Эгилдим мажнунтолнинг оёқларига...
Бошимга осмонни ёпдим-да, кетдим.
Севишганлар қолдилар мажнунтол қучоғида.
Анҳор тўлғониб кетди,
Бор вужудим сени истади.
Анҳорнинг қучоғи нурланган пайтлар...
Кошкийди.
2014
***
Қайсидир фаслнинг ёмғири ёғар , ташқарида...
Билмайман.
Қайлардандир оқиб келар,
қоп-қора аччиқ, ёшга беланиб кўкси синиқ,
Япроқлар...
Атрофда митти қушчаларнинг,
кўзларида бағри совуқ...
Қаҳратоннинг қамчиси.
Ташқарида----
билмайман...
Кўзимни ойнасида ялтирар кўклам,
Ҳой совуқ маликам, сева олмасман сени.
Кўзларимга. Кўзларимга қайтолмас Ҳаёт
Чираниб, сирпаниб қўшиқ айтар...
Қулоғига гулчамбар осиб олганча Баҳор.
Озодлик ҳақида...
Кўкрагида қисирлар олқиш-олқишдан тамға.
Ясама тишлари шарақлаб кетар.
Чапакларнинг чангидан...
Ҳансирар Саҳна.
Ичимда севгисиз ёлғиз, қолган бир одам йиғлар
Дарё
Дарё
кўзларим алвидо рақсини тинглар...
Кўксимга оқиб кирар қизғалдоқзорлар
Йиғлайман,
Йиғлайман...
***
Sulhida Yolg'iz
AZIZIM
..Koshkiydi yasholsam. Azizim.
Kuyib borar ko'ksim, yorilgan ishqdan,
Toleyimga qul kabi qasamlar bilan.
Egildim majnuntolning oyoqlariga...
Boshimga osmonni yopdim-da, ketdim.
Sevishganlar qoldilar majnuntol quchog'ida.
Anhor to'lg'onib ketdi,
Bor vujudim seni istadi.
Anhorning quchog'i nurlangan paytlar...
Koshkiydi.
2014
***
Qaysidir faslning yomg'iri yog'ar, tashqarida...
Bilmayman.
Qaylardandir oqib kelar,
qop-qora achchiq, yoshga belanib ko'ksi siniq,
Yaproqlar...
Atrofda mitti qushchalarning,
ko'zlarida bag'ri sovuq...
Qahratonning qamchisi.
Tashqarida----
bilmayman...
Ko'zimni oynasida yaltirar ko'klam,
Hoy sovuq malikam, seva olmasman seni .
Ko'zlarimga. Ko'zlarimga qaytolmas Hayot
Chiranib, sirpanib qo'shiq aytar...
Qulog'iga gulchambar osib olgan-cha Bahor.
Ozodlik haqida...
Ko'kragida qisirlar olqish-olqishdan tamg'a.
Yasama tishlari sharaqlab ketar.
Chapaklarning changidan...
Hansirar Sahna.
Ichimda sevgisiz yolg'iz, qolgan bir odam yig'lar
Daryo
Daryo
ko'zlarim alvido raqsini tinglar...
Ko'ksimga oqib kirar qizg'aldog'zorlar
Yig'layman,
Yig'layman...