ЮЛДУЗЛАР
Қуёш ботди, фалак қирмизи,
Кўринади митти юлдузлар.
Ҳулкар, Зуҳро – самонинг қизи,
Қизларимга ўхшайди улар.
Улғайганин билмай қоласан,
Бир қарасанг, ёнингда тиргак.
Қўғирчоғи тушмай қўлидан,
Салом берар бўлиб келинчак.
Юлдузларга ўхшайди қизлар,
Оқшомларда уйлар тўлади.
Бир-бирига сирин пичирлаб,
Кўзида ёш билан кулади.
Қўрқув солса гулдираб чақин,
Кўкка чизиб ўтли илдизлар,
Бир-бирига бўлади яқин:
Опа-сингил каби юлдузлар.
Ишонмайман одамзод ўтса,
Учмоғига кўкдан юлдузи.
Агар чиндан шу тақдир бўлса,
Қолармиди самонинг қизи.
Қизларимга ўхшар юлдузлар,
Уйқуда ҳам кулиб қарайди.
Ўзи озор топиб турса ҳам,
Келиб менинг ҳолим сўрайди.
Қизларимга ўхшар юлдузлар...
Мунаввара УСМОНОВА - Ўзбекистонда хизмат кўрсатган маданият ходими, "Саодат" журналининг Бош муҳаррири, шоира.
-
Бўлимлар
Маълумот
Янгиликлар new
Изоҳлар
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
ЎЗБЕК ТИЛИМ - КЎЗДЕК ТИЛИМ
Mutloq haqiqatni ifodalovchi misralar. Kam bòlmang Muslimbek aka. Kareyslar 600-800 doll. tòlab biznikilardan òtayotgan fanlari haqida qòllanmalar
Маълумот