Ёлғиз қолган он

Дунёдан розиман дема ҳеч қачон,
Десанг ҳам, сўйлагил саҳрога, тоққа.
Чунки сени тинглаб, кимдир ўша он.,
«Нега розисан?», деб тутгай сўроққа.

Дунёдан норизо бўлсанг ҳам агар.,
Сўз дема, бардош қил азоб, фироққа.
Чунки сени тинглаб, кимлардир баттар,
«Нега?», деб албатта, тутгай сўроққа.

Дунё ишларига боқма ҳеч ҳайрон,
Жимгина назар сол кўҳна бу корга.
Олис кечалари ёлғиз қолган он,
Дилингни оч фақат Парвардигорга.

 Абдулла ОРИПОВ – Ўзбекистон халқ шоири, Ўзбекистон қаҳрамони.