Тамара Назарова


   Тамара Назарова (1925.24.12 - Тошкент — 1998.24.2) — Ўзбекистон халқ артисти (1969). Москва ўзбек опера студиясини тугатган (1946). Ўзбек давлат филармониясининг ўзбек ашула ва рақс ансамблида яккахон (1940—42), Муқимий театрида (1942—55 ва 1960— 71), Наманган театрида (1955—59) актриса. Уруш йиллари Ўзбекистон санъат усталари сафида фронт концерт бригадаларида қатнашган. Тамара Назарова ижросида нозик лиризм самимийлик билан уйғунлашиб кетади. Моҳин, Зуҳра (С. Абдулла; Т. Жалилов, "Тоҳир ва Зуҳра"), Нозноз (М. Урдубодий; С. Рустамов, "Беш сўмлик келин"), Наталка (Н. Котляревский; Н. Лисенко, "Полтавалик Наталка"), Роҳатой (Комил Яшин; Х. Тўхтасинов, "Офтоб-хон"), Қаддирғоч, Нурхон (Комил Яшин; Т. Жалилов, "Алпомиш", "Нурхон"), Ширин (А. Навоий; Ю. Ражабий, "Фарҳод ва Ширин"), Сунбул (Ҳ. Ғулом; М. Левиев, "Ажаб савдолар") каби роллари билан шухрат қозонган. Н. кинода (Гули, "Алишер Навоий"; Фотима, "Сен етим эмассан" ва бошқалар) ҳам суратга тушган.










Гость, изоҳ қолдирасизми?
Имя:*
E-Mail:


Маълумот