Жонни Левер

Жонни Левер (Ҳақиқий исми - Жон Пракаш Рао Жанумала; ҳиндча: जॉनी लीवर, инглизча: Johnny Lever 1957 йил 14 Август) — ҳинд киносидаги комик роллари билан танилган машҳур ҳинд актёри.

У кўплаб мукофотларга сазовор бўлган.

У ўз фаолиятини 1984 йилда бошлаган ва уч юздан ортиқ ҳинд фильмларида турли ролларни ижро этган.

Левер 1957 йилнинг 14 Август куни Андҳра-Прадеш штатининг Пракасам шаҳрида туғилган. Жонни она тили телугу тилидан ташқари ҳинд, маратҳи, инглиз ва тулу тилларини яхши билади. У учта опа-сингил ва икки ака-ука (жумладан, унинг укаси Жимми Мусо)дан иборат оиланинг энг каттаси.

У дастлаб мусиқий шоуларда, ҳажвий томошаларда қизиқчилик қилиб, шуҳрат қозонган.

Жонни нуфузли шоуларда қатнашган ва дунё бўйлаб гастролларда бўлган.

Унинг биринчи катта гастролларидан бири 1982 йилда Амитабҳ Баччан билан бўлган. Ўзининг шоуларидан бирида актёр Сунил Датт унинг истеъдоди ва салоҳиятини пайқаган ва унга фильмда роль таклиф қилган.

Бу даврда у Шекҳар Капур режиссёрлигида бир нечта реклама роликларида ҳам суратга тушган.

Унинг истеъдоди эътироф этилиб, фильмларда роллар таклифи туша бошлаган ва Жонни ролларни қойилмақом тарзда ўйнаб, режиссёрларнинг эътиборини қозонган.

1984 йилда Сужатҳага уйланган ва уларнинг Жейми ва Жесси исмли икки фарзанди бор.

Унинг укаси Жимми Мусо ҳам комик актёр.