ТИЛАНЧИ

ТИЛАНЧИ

– Худо йўлига садақа қилинг!

– Уялмайсанми, ўғлим? Ёш, соппа-соғ экансан. Ундан кўра ишласанг бўлмайдими?

– Маошим ижара пулига етмаяпти. Шу учун ишдан кейин тиланчилик қилишга мажбур бўлаяпман!

***

Бир эркак хотини билан кетаётган экан. Йўлда тиланчини кўриб қолиб, ундан сўрабди:

– Ичасанми?

– Йўғ-е, нон сотиб олишга пулим йўғ-у, - дебди гадой.

– Чекасанми?

– Асло.

– Аёллар билан юрасанми?

– Йўқ, – деб жавоб қайтарибди. – Аммо мени бирор аёл севса уни жону дилим билан севган бўлардим, хаёлимдаги гўзални умрбод кутиб, соғиниб яшаяпман, мен билан бирор аёл турмуш қуришга рози бўлса, ундан ҳеч қачон воз кечмасдим... – деса, у эркак уни тўхтатибди:

– Бўлди, бўлди, етарли...– сўнгра хотинига юзланиб дебди: – хотин, мана, ичмайдиган, чекмайдиган ва бегона аёллар билан юрмайдиган эркакнинг ҳолини кўриб қўй!

ҲАЙВОНОТ БОҒИДА

– Дада, нега анави маймун бизга ўқрайиб қаради?

– Жим, ўғлим, эшитиб қолмасин. У маймун эмас, назоратчи. Маймун ичкарида, қафас ичида бўлади, болам.

ХОТИРАНГИЗ ЧАТОҚ

Хотирангизнинг чатоқлигини исботлаб берайми?

Роппа-роса бундан олти ой аввал соат 17-43 да қаерда бўлганингиз ва қандай таом еганингизни эслай оласизми? Ана, кўрдингизми? Хотирангиз ёмон!