Жамоавий спорт турлари ривожлантирилади

Ўзбекистон Президентининг “Жамоавий спорт турларини ривожлантириш ва иқтидорли ёшларни саралаб олиш тизимини такомиллаштириш чора-тадбирлари тўғрисида”ги 2024 йил 04 декабрдаги ПҚ 421-сон қарори қабул қилинди.

Мазкур қарорга кўра, 2025/2026 ўқув йилидан барча давлат университетларида волейбол, баскетбол, гандбол, регби, чим устида хоккей, сув полоси жамоавий спорт турлари бўйича, бошқа давлат олий таълим муассасаларида камида 3 та жамоавий спорт турлари бўйича спорт клублари ташкил этилади.

2025/2026 ўқув йилидан жамоавий спорт турлари бўйича қуйидаги спорт мусобақаларини ўтказиб бориш йўлга қўйилади:

– “Мактаб лигаси”;

– “Талабалар лигаси” ва “Олий таълим кубоги”;

– “Ректор кубоги”.

Вазирлик ва идоралар, хўжалик бирлашмалари, давлат иштирокидаги тижорат банклари ва корхоналарда камида 3 та жамоавий спорт турлари бўйича спорт клублари ташкил қилинади.

Бунда жамоавий спорт турлари бўйича идоравий ташкилотлар кесимида “Раҳбар кубоги”, маҳаллий ҳокимликлар кесимида “Ҳоким кубоги” мусобақалари ўтказиб борилади.

Қуйидагилар йўлга қўйилади:

– тадбиркорлик субъектларида жамоавий спорт турлари бўйича спорт клубларини ташкил қилиш;

– тадбиркорлик субъектлари спорт клублари ўртасида “Корпоратив спорт ўйинлари” спорт мусобақасини ўтказиб бориш.

Х. Муминов –

Андижон вилоят, Булоқбоши туман

Адлия бўлими Юридик хизмат кўрсатиш

маркази бошлиғи,

иккинчи даражали адлия маслаҳатчиси.