Мавлудахон Аҳмедованинг Янги йил табриги


  Барчангизни янги 2024 йил билан муборакбод этаман, азизларим! Янги йилнинг ҳар бир куни сизга бахт, шодлик, эзгуликлар олиб келсин! Ота-оналарингиз билан бир дастурхонда кўплаб янги йилларни кутиб олиш насиб этсин! Ҳаётда ҳеч қандай армонингиз қолмасин!  Янги йил барча йиллардан ҳам омадлироқ келсин! 
  Янги йилимиз барчамиз учун баракали бўлсин! Юртимиз тинч, хонадонларимиз обод, дастурхонларимиз тўкин-сочин бўлсин! Ҳаммангизга соғлик, бахт, омад ёр бўлсин! Ўйлаган барча эзгу ниятларингиз ижобат бўлсин! Қалбларимизни Ватанимизга бўлган Муҳаббат, садоқат туйғулари тарк этмасин!

Ўн гулингдан бир гулинг очилмаган дердилар,
Йўлларингга сочқилар сочилмаган дердилар.
Ўн гулинг ҳам чарақлаб очилди-ку, оҳ, юртим,
Йўлларингга зар-кумуш сочилди-ку, оҳ, юртим.

Ўзбекистон – ягона Ватан учун яшайлик,
Ватан ичра бу гўзал чаман учун яшайлик.

Айтмасинлар ғанимлар, кимларгадир зор бу юрт,
Буюк Соҳибқирони, Алишери бор бу юрт.
Аллоҳ ўзи етказган инъомини асрагай,
Тўғросини, тахтини, исломини асрагай.

Ўзбекистон – ягона Ватан учун яшайлик,
Ватан ичра бу гўзал чаман учун яшайлик.

Кел, азизим, ёнимга, юлдузмисан, оймисан,
Ўзбегимсан ҳамиша, юпунмисан, боймисан.
Ватандошим, шу тенгсиз Ватанни куйлашайлик,
Замон келди, бизлар ҳам дунёга бўйлашайлик.

Ўзбекистон – ягона Ватан учун яшайлик,
Ватан ичра бу гўзал чаман учун яшайлик.

Абдулла Орипов, Ўзбекистон Қаҳрамони, халқ шоири.

  Ҳурмат ила - Мавлудахон АҲМЕДОВА - олий тоифадаги сухандон, актриса.










Гость, изоҳ қолдирасизми?
Имя:*
E-Mail:


Маълумот