Ҳақнинг даргоҳи
Дунё, қўйнинг тўла умрлар чил-чил, Товоним қаварди ўтганим сайин.
Бетизгин, беманзил ўйларим зил-зил,
Бир кам не бор яна ўзи сендайин?..
Сен мангулик томон, мен бир ўткинчи,
Қўй, эрмак қилмагин араз-ўчимни.
Ногоҳ тилга кўчар дилим ўтинчи:
– Нима қилиб қўйдинг, ўттиз учимни?!.
Пойингга йилларни хазондек сочдим,
Гоҳ дилхуш, гоҳ дилхун лаҳзалар билан.
Нимани англадим, не сирни очдим
– Йўқликка узатдим ларзалар билан.
Тошбақа мисоли имиллаб гоҳ кун,
Чақин шиддатида кечди даврлар.
Атрофга сер солиб қарасам бугун,
Қанча танишим йўқ... қолмиш қабрлар.
Наҳотки, ўйлайман, инсон тақдири,
Олдиндан ҳисоблаб чийланган қарта
– Мағлублик қисматдир азал-охири,
Гарчи ўйналса-да фақат бир марта!..
Шундоқ ўтар бўлса ҳаёт дегани,
Нечун ғамга ботай, нечун ирғишлай?..
Лекин руҳимдаги дардни енггани
Нажот қайда? Мен жонимни бағишлай.
Нима бор, кўрсатгил, жондан-да азиз
– Соғиниб, сиғиниб юкинадиган,
Ранжу аламига шукр деб ҳаргиз,
Усиз ўтган дамга ўкинадиган?!
Дунё, сир-асроринг йўқдир якуни:
Ҳаёт – ҳижрон, ўлим – висол, зафардир.
Билсам, яшамоқнинг бор-йўқ мазмуни
Ҳақнинг даргоҳига илинж, сафардир.
Сирожиддин РАУФ
-
Бўлимлар
Маълумот
Янгиликлар new
Изоҳлар
ЭЗОТЕРИК ПСИХОЛОГИЯ НИМА?
Assalamu aleykum va rahmatullohi va barokatuhu, shunaqa bolishini hohlirdm ,balki hayotimdigi bolib utgan hofisala tufayli ,kop narsa haqda uylidgan
ОНА ТИЛИМ ЎЛМАЙДИ
She'r juda ajoyib
В IT только девушки
Молодцы 👍 👍 Что бы таких профессионалы были много Они наши девочки, желаю удачи им и больше проектов.
Телевизион образлар эволюцияси
Xozir tvni siyosatlashishidan uzoqqa ketdikmi, “chizilgan chiziqdan” tv hodimlarni ahvoli hamağa ma’lum, bu ichki tsenzura deyiladi, Mustaqil filths
Карима Зарипова
Республиканский эстрадно-цирковой колледж имени КАРИМА ЗАРИПОВА, приглашает всех желающих на учебу… Документы принимаются с 25 мая.
Маълумот