ЎТИНЧ
Жоним, мени алда, севдим, деб алда,
Дунёга сиз учун келдим, деб алда.
Бир илинжим қолди, ҳеч бўлмаганда -
Ишониб яшайин алдоқларингга.
Бу ёлғон дунёнинг ёлғони ширин,
Жонингни бир малак олғони ширин,
Томчининг қўйнида уммон яширин,
Дил қонимни томиз тирноқларингга.
Ишқ бу изтиробнинг кўзидир маҳзун,
Ошиқлар кўнглига ташийди афсун,
Титраниб тоқатлар ўқисин таҳсин,
Йўлимни туташтир қийноқларингга.
Кокилинг, кўзларинг, қоматинг, илкинг,
То бошдин оёғинг - бу менинг мулким.
Билсанг, дунёларни беришим мумкин -
Сенинг бир жилмайиб қўймоқларингга.
Бу дунё кўҳнадир, бу дунё кекса,
Дарди қувонч бўлгай чидаса, чекса,
Армоним йўқ эди, лабларим тегса -
Бармоқларим теккан бармоқларингга.
Ҳозирча буларнинг барчаси хаёл,
Ҳали жавобини топмаган савол.
Битта ўтинчим бор, келмаса малол -
Рози бўл, тушимга кирмоқларингга.
Ориф ТЎХТАШ шеъри.
Музаффар МУҲАММАДНАЗАР ижросида ўқилди.
-
Бўлимлар
Маълумот
Янгиликлар new
Изоҳлар
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
ЎЗБЕК ТИЛИМ - КЎЗДЕК ТИЛИМ
Mutloq haqiqatni ifodalovchi misralar. Kam bòlmang Muslimbek aka. Kareyslar 600-800 doll. tòlab biznikilardan òtayotgan fanlari haqida qòllanmalar
Маълумот