Аёллар ва гулдаста (Ўзбек ва Озар тилларида)

Озарбайжонлик таниқли таржимон, Исмайилли муниципалитети аъзоси, шаҳар ҳокими ўринбосари, "Алишер Навоий-580" юбилей медали ва "Озарбайжон ўқитувчилари эркин касаба уюшмасининг 100 йиллиги нишони" соҳиби - Шоҳмаммад Тоғлар ўғли (Шоҳмаммад Нурилла ўғли Султонов) - Şahməmməd Dağlaroğlu "Аёллар ва гулдаста" номли шеъримни озар тилига таржима қилган.

Шоҳмаммад оғага ва Озарбайжон интернет сайтида эълон қилганлиги учун Озарбайжон диаспора фаолиятида журналистларни қўллаб-қувватлаш жамоат бирлашмаси раиси ва Vetenqehremenlari.az веб сайтининг Бош муҳаррири, Озарбайжон Республикаси Президенти Илҳом Aлиевнинг "Тараққиёт" медали ва "Украина мустақиллигининг 25 йиллиги" медали, Озарбайжон Демократик Республикасининг 100 йиллиги" медали соҳиби - Фуад Аби ўғли Ҳусайнзода - Hüseynzadə Fuad Abı oğluга чексиз ташаккуримни изҳор қиламан.

АЁЛЛАР ВА ГУЛДАСТА

Аёлларга гулдаста қилингиз туҳфа,
Гул - муҳаббат, гўзаллик, меҳр тимсоли.
Атиргул, лола, наргис... гуллар ҳам турфа,
Аёл қувониб кетсин бола мисоли.

Туғилган кун ё байрам бўлиши шартмас,
Гул совға қилиш учун изламанг сабаб.
Қаранг: кўздаги қувонч ёшини артмас,
Кўзёшлар оқар шунда гўёки садаф.

Онангиз ё синглингиз, севгилингиздир,
Аввало, у - АЁЛДИР, ардоқланг суйиб.
Уларни суюнтирган шу гулингиздир,
Ҳар дам эътиборингиз юришсин туйиб.

Гулни севар аёллар хоҳ кекса, хоҳ ёш,
Қувонч улашинг, токи порласин кўзлар!
Эътибор бўлмаса дил бўлади бир тош,
Эътибордан нигоҳлар овозсиз сўзлар.

"Раҳмат, кўнглим тоғ каби юксалди, чунон,
Гул тутган қўлларингиз кўрмасин ҳеч дард"...
Кўзлар шу сўзни айтар, тарқалар гумон,
Беғубор қалбларига қўнмасин бир гард.

Қишда ҳам аёлларнинг қалбида баҳор,
Гулдастадан кўнгиллар бўлгай чаман боғ.
Аёлни ардоқлаган бўлмагайдир хор,
Биргина гул кифоя бўлиши-чун соғ.

Кўтаринки кайфият қиларкан соғлом,
Касалликлар йўламас, кетгайдир нари.
Гулдаста туҳфа қилинг аёлга ўғлон,
Ўзин ёш қиздек сезсин бўлса-да қари.

Гулдаста туҳфа қилинг ёздами, қишда,
Байрам бўлишин кутманг баҳорда, кузда.
Вақт топинг бўлсангиз ҳам уйда ё ишда,
Гулдасталар акс этсин порлаган кўзда.

Музаффар МУҲАММАДНАЗАР

AYOLLAR VA GULDASTA

Ayollarga guldasta qilingiz tuhfa,
Gul - muhabbat, go‘zallik, mehr timsoli.
Atirgul, lola, nargis... gullar ham turfa,
Ayol quvonib ketsin bola misoli.

Tug‘ilgan kun yo bayram bo‘lishi shartmas,
Gul sovg‘a qilish uchun izlamang sabab.
Qarang: ko‘zdagi quvonch yoshini artmas,
Ko‘zyoshlar oqar shunda go‘yoki sadaf.

Onangiz yo singlingiz, sevgilingizdir,
Avvalo, u - AYOLDIR, ardoqlang suyib.
Ularni suyuntirgan shu gulingizdir,
Har dam e’tiboringiz yurishsin tuyib.

Gulni sevar ayollar xoh keksa, xoh yosh,
Quvonch ulashing, toki porlasin ko‘zlar!
E’tibor bo‘lmasa dil bo‘ladi bir tosh,
E’tibordan nigohlar ovozsiz so‘zlar.

"Rahmat, ko‘nglim tog‘ kabi yuksaldi, chunon,
Gul tutgan qo‘llaringiz ko‘rmasin hech dard"...
Ko‘zlar shu so‘zni aytar, tarqalar gumon,
Beg‘ubor qalblariga qo‘nmasin bir gard.

Qishda ham ayollarning qalbida bahor,
Guldastadan ko‘ngillar bo‘lgay chaman bog‘.
Ayolni ardoqlagan bo‘lmagaydir xor,
Birgina gul kifoya bo‘lishi-chun sog‘.

Ko‘tarinki kayfiyat qilarkan sog‘lom,
Kasalliklar yo‘lamas, ketgaydir nari.
Guldasta tuhfa qiling ayolga o‘g‘lon,
O‘zin yosh qizdek sezsin bo‘lsa-da qari.

Guldasta tuhfa qiling yozdami, qishda,
Bayram bo‘lishin kutmang bahorda, kuzda.
Vaqt toping bo‘lsangiz ham uyda yo ishda,
Guldastalar aks etsin porlagan ko‘zda.