Абдумаъруф Қодиров: “Ота касбим тақдиримга айланди”

Ўзбекистон давлат ёш томошабинлар театри актёри Ўзбекистонда хизмат кўрсатган артист Абдумаъруф Қодиров илк бор 9 ёшида саҳнада “Семурғ” спектаклида кўзи ожиз нуроний чолнинг невараси ролини ижро этган.

“Театр – мен учун жуда муқаддас даргоҳ. Болалигимдан отам Ўзбекистон халқ артисти Воҳид Қодировнинг ва бошқа устоз санъаткорларнинг ижроларини кўриб катта бўлдим. Санъат қалбимдаги орзуларим қаноти бўлган. Ўзимни бошқа соҳаларда синаб кўриш хаёлимга ҳам келмаган. Мактабда ўқиб юрган давримдаёқ саҳнада ва бошқа тарбиявий соатларда турли ролларни ўйнаганман. Шу тариқа ота касбини танладим ва бу тақдиримга айланди”, дейди актёр.

Абдумаъруф Қодиров ижросидаги спектакллар:

“Одобнома”, “Қайнар хумча”, “Асорат”, “Топмасанг ҳай-ҳай, топмасанг вой-вой”, “Кел, дўст бўлайлик”, “От йиғлаган томонда”, “Виждон қўшиғи”, “Учар табиб”, “Минг бир кеча”, “Бир бор экан”, “Қирол буғи”, “Оловуддиннинг сеҳрли чироғи”, “Қарсилдоқ”, “Карлсон”, “Чоқ-чоқ мақтанчоқ”, “Чўп қўғирчоқ”, “Заҳарли томчилар”, “Пикник”, “Сичуандан чиққан меҳмон”, “Халфана”, “Янги йил саргузашти”, “Билбо бегинис”, “Жон-у дилим пишлоқ”, “Виждон”, “Кичкина Мук”, “Мешполвон”, “Абдунинг найранги”, “Алихўжа, Хўжаали”, “Шум бола”, “Дискотека”, “Қизил қалпоқча”, “Тўрт эгизак”, “Тузоқ”, “Умид дарахти”, “Маугли”, “Она меҳри”, “Широқ”, “Янги йил байрами”, “Сеҳрли лайлак”, “Муаллим”, “Барҳаёт чинор”

Устоз санъаткор бугунги кунда ҳам театрда фаол ижод қилиб келаётган актёрлардан саналади.

Телевидениеда “Оталар сўзи-ақлнинг кўзи”, Телеминиатюралар театри, “Эртаклар яхшиликка етаклар”, “Қувноқ шаҳарча”, “Оқшом эртаклари”, “Ҳикматли дунё”, “Умр сўқмоқлари”, “Кунларнинг бири”, “Буни ҳаёт дейдилар” лойиҳаларда, радиода “Яхши кайфият”, “Табассум” эшиттиришларида, шунингдек, давлат тадбирлари ва кўплаб ижодий учрашувларда фаол қатнашиб келмоқда.

Достонбек Раҳматуллаев -

Ўзбекистон давлат ёш томошабинлар театри

адабий бўлим мудири.

Abduma’ruf Qodirov: “Ota kasbim taqdirimga aylandi”

O‘zbekiston davlat yosh tomoshabinlar teatri aktyori O‘zbekistonda xizmat ko’rsatgan artist Abduma’ruf Qodirov ilk bor 9 yoshida sahnada “Semurg‘” spektaklida ko‘zi ojiz nuroniy cholning nevarasi rolini ijro etgan.

“Teatr – men uchun juda muqaddas dargoh. Bolaligimdan otam O‘zbekiston xalq artisti Vohid Qodirovning va boshqa ustoz san’atkorlarning ijrolarini ko‘rib katta bo’ldim. San’at qalbimdagi orzularim qanoti bo’lgan. O‘zimni boshqa sohalarda sinab ko‘rish xayolimga ham kelmagan. Maktabda o‘qib yurgan davrimdayoq sahnada va boshqa tarbiyaviy soatlarda turli rollarni o‘ynaganman. Shu tariqa ota kasbini tanladim va bu taqdirimga aylandi”, deydi aktyor.

Abduma’ruf Qodirov ijrosidagi spektakllar:

“Odobnoma”, “Qaynar xumcha”, “Asorat”, “Topmasang hay-hay, topmasang voy-voy”, “Kel, do’st bo’laylik”, “Ot yig’lagan tomonda”, “Vijdon qo’shig’i”, “Uchar tabib”, “Ming bir kecha”, “Bir bor ekan”, “Qirol bug‘i”, “Olovuddinning sehrli chirog‘i”, “Qarsildoq”, “Karlson”, “Choq-choq maqtanchoq”, “Cho‘p qo‘g‘irchoq”, “Zaharli tomchilar”, “Piknik”, “Sichuandan chiqqan mehmon”, “Xalfana”, “Yangi yil sarguzashti”, “Bilbo beginis”, “Jon-u dilim pishloq”, “Vijdon”, “Kichkina Muk”, “Meshpolvon”, “Abduning nayrangi”, “Alixo’ja, Xo’jaali”, “Shum bola”, “Diskoteka”, “Qizil qalpoqcha”, “To‘rt egizak”, “Tuzoq”, “Umid daraxti”, “Maugli”, “Ona mehri”, “Shiroq”, “Yangi yil bayrami”, “Sehrli laylak”, “Muallim”, “Barhayot chinor”

Ustoz san’atkor bugungi kunda ham teatrda faol ijod qilib kelayotgan aktyorlardan sanaladi.

Televideniyeda “Otalar so‘zi-aqlning ko‘zi”, Teleminiatyuralar teatri, “Ertaklar yaxshilikka yetaklar”, “Quvnoq shaharcha”, “Oqshom ertaklari”, “Hikmatli dunyo”, “Umr so‘qmoqlari”, “Kunlarning biri”, “Buni hayot deydilar” loyihalarda, radioda “Yaxshi kayfiyat”, “Tabassum” eshittirishlarida, shuningdek, davlat tadbirlari va ko‘plab ijodiy uchrashuvlarda faol qatnashib kelmoqda.

Dostonbek Rahmatullayev -

O’zbekiston davlat yosh tomoshabinlar teatri

adabiy bo’lim mudiri.