ФҲДЁ органларининг қандай мажбуриятлари мавжуд?

ФҲДЁ органларининг қандай мажбуриятлари мавжуд?

ФҲДЁ (Фуқаролик ҳолати далолатномаларини ёзиш) органлари қуйидаги ҳуқуқларга эга:

– қонун ҳужжатларига кура жисмоний ва юридик шахслардан далолатнома ёзувларини қайд этиш учун зарур бўлган маълумотлар ва ҳужжатларни талаб қилиб олиш;

– Агентлик ва ҳудудий бошқармаларига ФҲДЁ соҳасига оид таклифлар киритиш;

– жисмоний шахсларга кўрсатиладиган пулли хизматлар рўйхатларига кура фуқароларга пулли хизматлар кўрсатиш.

– ФҲДЁ органлари қонун ҳужжатларида назарда тутилган бошқа ҳуқуқларга ҳам эга.

ФҲДЁ органлари:

– фуқароларга ўз ҳуқуқларини амалга оширишда ва қонуний манфаатларини ҳимоя қилишда кўмаклашиши, уларнинг ҳуқуқ ва мажбуриятларини тушунтириб бериши;

– далолатнома ёзувларини қайд этиш вақтида фуқаролар томонидан қонунчилик бузилганлиги аниқлаган тақдирда, зарур чора-тадбирлар кўрилиши учун тегишли ташкилотларга бу ҳақда хабар қилиши;

– қонун ҳужжатларига зид бўлган фуқаролик ҳолати далолатнома ёзувларини қайд этишни рад қилиши;

– архив фондини юритиши ва сақлаши;

– Агентлик ва унинг ҳудудий бошқармаларининг топшириқларини бажариши ва уларга ФҲДЁ органлари фаолиятига оид масалалар юзасидан маълумотлар тақдим қилиши;

– ФҲДЁ органларининг фаолияти юзасидан белгиланган тартибда Агентлик ва унинг ҳудудий бошқармаларига ҳисобот бериши шарт.

– ФҲДЁ органларига қонун ҳужжатларига мувофиқ бошқа мажбуриятлар ҳам юкланиши мумкин.

Мамадалиева Мухлиса –

Андижон шаҳар ФҲДЁ бўлими

2 тоифали инспектори.