Мумтоз Шаҳобиддин шеъриятига чизгилар


  Баҳор эркаси бойчечак тилидан инсониятга меҳр сўраган, 
  Оламга қуёшдек заррин нур сўраган Шоирам. 
  Бағри қон лолалаларга қарата,  "Нечун шошилмайсан, кўнглимга пешвоз чиқолмайсан", дея, шеър тили билан кўнгилдан шивирлаган шоирам, шеърият дунёсидаги қадамларингиз изи муборак бўлсин! Шеърларингиздаги" чақмоқдан осмонга қандай наф дея ",  ҳайқириққа айланган сўровларингиз муборак!  Мен кетсам,  шунчаки кетмайман, гулдирак бўлиб,  чақин бўлиб,  қалбингни тилдирган бир из бўлиб, илдизимни кўксингда қолдириб кетаман... Бу мисралардаги  ҳаяжон шеърхон кўнглига ҳайрат экан бўлса не ажаб... 
 Аёл исёнининг бу қадар шитоби, армоннинг гулдуракдек овози эшитилади бу мисраларда... 
  Қайтсам ҳам денгиздек қайтаман, 
  Сўзим  ҳам,  шаҳдим ҳам шитобли.. 
  Бу шитоб кўнгилларга ўз ўзидан кўчади, 
  Аёл қалбининг нозик ечимлари бу шеърларда мардонавор ўз аксини топади. Шеърхон бу гўзал дардни ўзиники қилиб қабул қилади. 
  Шоира етти жонга тиргак бўлиб ўстирган ота- онасига фарзандлик бурчини шеърлари орқали бажаргиси келади.  Ота оналарига бағишланган шеърларини кўз ёшисиз ўқишнинг иложи йўқ. 
  Армон сўзларда бўй кўрсатиб,  ўз тарбиявий хусусиятлари билан кўнглингизни ўзиники қилиб олади.  Беихтиёр,  - Менчи,  мен ота-онамга нима қилаолдим дея,  ўқувчи ўз-ўзига савол беради. Фарзандлик бурчи буюк масъулият эканлиги мисраларда ўгит бўлиб, сизиб кирган шеърлари ўқиганнинг ўзиникига айланади. 
  Хатокор ўзимман... 
  Инсон минг хатокор бўлмасин,  савоб учун,  гуноҳларини ювиш учун, яхшилик томон эврилиши Мумтоз Шахобиддин шеъриятида бўй кўрсата олган. 
  Унинг шеърлари дунёсида бир зум бўлса-да яшай олар экансиз,  бу шеърият боқийдир. 

Гулбаҳор Жумаева.