ЖАҲОЛАТГА ҚАРШИ МАЪРИФАТ


  ТОШКEНТ КИМЁ-ТEХНОЛОГИЯ ИНСТИТУТИ ЁҚИЛҒИ ВА ОРГАНИК БИРИКМАЛАР КИМЁВИЙ ТEХНОЛОГИЯСИ ФАКУЛЬТEТИ ТАЛАБА-ЁШЛАРИ БИЛАН “ЖАҲОЛАТГА ҚАРШИ МАЪРИФАТ” МАВЗУСИДА ЎТКАЗИЛГАН ОЧИҚ МУЛОҚОТ ТАДБИРИ

  Тадбирда “Ёқилғи ва органик бирикмалар кимёвий технологияси” факультети декани, PhD - Улуғбек Нарбаевич Балтабаев , факультети декани муовини - Х. У. Бердиев, Ўзбекистон Республикаси Ёзувчилар уюшмаси аъзоси, Олтин қалам миллий мукофоти совриндори, “Халқ сўзи” газетаси мухбири Адиба Боитовна Умирова  ва факультет профессорлари ва талаба-ёшлари иштирок этишди.
  Тадбирни факултет декани -  Улуғбек Балтабаев очиб берди. Ўзбекистон Республикаси Хавфсизлик кенгашининг 2021 йил 12 январдаги Ўзбекистон Республикаси Президенти раислигида бўлиб ўтган кенгайтирилган йиғилишида таълим муассасаларида ёшлар орасида экстремизм ғояларига берилишининг олдини олиш ҳамда уларни илм-фан ва касб – ҳунарга қизиқтиришга қаратилган “Жаҳолатга қарши маърифат” шиори остида ўтказилган семинарлар ҳамда Олий ва ўрта махсус таълим вазирлигининг 2021 йил 16-мартдаги 84-01-249-сонли хати ижросини таъминлаш мақсадида 2 апрель куни Тошкент кимё-технология институти Ёқилғи ва органик бирикмалари кимёвий технологияси факултетида очиқ мулоқот бўлиб ўтди.
  Очиқ мулоқотда Ўзбекистон Республикаси Ёзувчилар уюшмаси аъзоси, Олтин қалам миллий мукофоти совриндори, “Халқ сўзи” газетаси мухбири Адиба Умирова  сўзга чиқиб Республикамиз Президенти Шавкат Миромонович Мирзиёевнинг юртимизда таълим соҳасини тубдан ислоҳ қилиш билан боғлиқ ҳолда айтган қуйидаги гаплари фикримиз далилидир: “Таълимнинг мақсади вояга етмаганларни маҳалла-кўйнинг кўз олдида сақлаш, юриш-туриши, кийиниши, ўзини тутишини назорат қилиш ёки ёшлар ўртасида ўз жонига қасд қилиш, эрта туғруқ, турли оқимларга қўшилиб қолиш каби важлар билан уларни “доимий инфантил ёш бола” статусида сақлаб қолиш эмас. Таълим тизимининг мақсади сипо, оқ кўйлак, қора шим кийган оломонни етиштириш ҳам эмас.
  «Мен ўзимдаги барча яхши фазилатлар учун китобдан миннатдорман», деган эди ХХ асрда яшаб ўтган улуғлардан бири. Китоб – инсоният ижодиётининг чинакам ҳайратланарли ва эътиборга лойиқ белгиси, инсоният яратмишлари ичра такрорланмас мўжизадир. Китоблар қатида кечмиш замонларнинг ақл-идроки яшайди, хоки тупроқлари туш мисол қачонлардир тўзғиб кетган одамларнинг овози бурро ва аниқ янграб туради. Инсоният томонидан яратилган турфа нарса-буюмларнинг, тафаккурда қайта-қайта ўйлаб кўрилган фикрларнинг ва у эришган жамики юксакликларнинг, ҳаттоки, инсоният оламининг маънавий етуклиги-ю таназзули ҳам, табиат берган неъматлардан баҳрамандлиги-ю исрофгарчилиги ҳам – барча-барчаси худди сеҳрли сандиқдай китоблар саҳифасида сақланиб қолган.

Дунё нима ўзи?
Дунё нима ўзи?..
Бир етимхона,
Қизғанчиқ болалар сурғичи, наҳот!
Битта мактуб — икки ошиқ дил битган,
Тириклардан қолган ўликларга хат.
Кетганга — йўл яхши,келганга — умид,
Жон олиб, жон бериб ўтгунича то.
Болаликда қизиқ ўн битта юлдуз,
Қариликда ютиб юборган ҳаво.
Топилмас дафина излаган маҳал,
Керак эмас чоғда ҳозир бегумон.
Ҳайвоний қарашдан йўқ бўлиб кетиш
Хавфида турган энг ноёб тур ҳамон.
Балки бир нарвондир кўкка қўйилган,
Бироқ учиб борган Ҳақнинг манзили.
Ундан фаришталар тушади ерга,
Ё осмонга чиқар коҳинлар йўли.
Балки янги ҳаёт учун ясалган.