"Мусиқа ва клип" бўлимининг муҳаррири


     Музаффарова Саодат Хайдаровна 1968 йил 11 февралда Тошкент вилояти, Бўка туманида хизматчи оиласида туғилган. 1986 йил Глиэр номли Республика санъат мактабини тугатиб, М. Ашрафий номли Тошкент Давлат Консерваториясининг “Хор дирижёрлиги” бўлимига ўқишга кирган ва 1991 йилда муваффақиятли тугатган. 
     1987 йил ўз иш фаолиятини Паркент тумани ўқувчилар саройида хор тўгараги раҳбари сифатида бошлаган, 1990-1998 йилларда “Томоша” болалар театр-студиясида вокал ўқитувчиси бўлиб фаолият кўрсатган. 1998 йилдан шу кунга қадар Тошкент шаҳар “Баркамол авлод” болалар марказидаги “Севинч” вокал ансамблининг бадиий раҳбари бўлиб ишлаб келмоқда. 2011 йилдан Абдулла Қодирий номидаги Тошкент давлат маданият институтида ўқитувчи, 2012 йилдан Ўзбекистон давлат санъат ва маданият иститути “Вокал” кафедрасида катта ўқитувчи, 2017 йилдан доцент вазифасини бажарувчи лавозимида фаолият юритмоқда. 2011 йилдан “Болажон” телеканали “До-Ми-Соль” кўрсатувининг доимий бошловчиси. 2006 йилда “Халқ таълими аълочиси”, 2015 йилда Ўзбекистон Республикасида хизмат кўрсатган маданият ходими давлат мукофоти билан тақдирланган. У Республикада ўтказиладиган барча давлат тадбирларида, Мустақиллик, Наврўз байрамларида “Севинч” болалар вокал ансамбли билан фаол қатнашиб келади, Ўзбекистон давлат санъат ва маданият институтида “Вокал жамоаларига раҳбарлик” таълим йўналиши талабаларига дарс бериб келмоқда. “Аранжировка”, “Вокал ансамбли” фанларидан ўқув қўлланмалар яратди. Хор ва вокал ансамбллари учун юздан ортиқ асарлар аранжировка қилган.