СЕНИНГ
Дунё - бир ўтгувчи йўлак дегани,Тақдирда борини кўрмак дегани,
Қурбим етмай қолса тиргак бўлгани-
Сенинг қоқинганинг кўрмайин, болам!
Қанча тошлар изи - қалбимда қадоқ,
Дўстларим қўлидан тўқилди тузоқ,
Менинг қароғимдан кетмагин узоқ,
Сенинг ўкинганинг кўрмайин, болам!
Гоҳи чинор бўлдим, шохлари осмон,
Қамишдек бўйландим гоҳи тўрт томон,
Шукр, шу кунларни кўряпмиз омон,
Сенинг букилганинг кўрмайин, болам!
Оқни оқ деганни қора десалар,
Мағзи пуч ёлғонни сара десалар,
Бўш тўрвани алқаб тўра десалар,
Сенинг юкинганинг кўрмайин, болам!
Мол-дунё қадрсиз бир дўстга тимсол,
Унга кўнгил бермоқ умрга завол,
Билмай чўғни босиб куйганлар мисол,
Сенинг чўкинганинг кўрмайин, болам!
Қиёмат келса ҳам, аслингдан гапир,
Аждоду авлодинг, наслингдан гапир,
Яширмай, баланду пастингдан гапир,
Сенинг чекинганинг кўрмайин, болам!
Ётнинг деворига бўйламоқ гуноҳ,
Қўрғонинг тинчига бўлиб тур огоҳ,
Ҳасаддан бировга қазимагин чоҳ,
Сенинг бекинганинг кўрмайин, болам!
Умр кузи келгач, сўниб борар шам,
Кулбалар ҳам қолар, кошоналар ҳам.
Ўзидан тилагим, асло кўрма ғам,
Сенинг тўкилганинг кўрмайин, болам!
СЕНИНГ ЙИҚИЛГАНИНГ КЎРМАЙИН, БОЛАМ!!!
Мунаввара УСМОНОВА - Ўзбекистонда хизмат кўрсатган маданият ходими, "Саодат" журналининг Бош муҳаррири.
-
Бўлимлар
Маълумот
Янгиликлар new
Изоҳлар
БАЧАДОН ТУШИШИ ХАВФЛИМИ?..
qin devori tuwganda uy sharoitida aperatsiya lazerlarsiz davolasa buladimi qin devorini uy sharoitida aperatsiya lazerlarsz davolasa bulladimi
Нега сўгал тошади?
Ассалому алекум кулимга сунгал чикди хеч чикмас эди канде йукотса булади
“ШАРҚ ЮЛДУЗИ” БОРМИ?
Ёшлигимда мен ҳам бу журнални севиб ўқиганман, отам йиққан бўсалар керакда уйимизда эски сонлари ҳам турарди. Ҳикоянгиз мени ҳам болалигимга об
Соғинч соҳиллари - Ўзбекистон халқ артисти - Мирза Азизов хотирасига.
Устоз санъаткор Мирза Азизовнинг бетакрор роллари, ҳар қандай қаҳрамонни психологик қиёфасини моҳирона ижро этиши у кишини халқимиз қалбидан ўрин
ЎЗБЕК ТИЛИМ - КЎЗДЕК ТИЛИМ
Mutloq haqiqatni ifodalovchi misralar. Kam bòlmang Muslimbek aka. Kareyslar 600-800 doll. tòlab biznikilardan òtayotgan fanlari haqida qòllanmalar
Маълумот